EasyShare түпкі пайдаланушысының лицензиялық және қызметтік келісімі
Осы EasyShare түпкі пайдаланушысының лицензиялық және қызметтік келісімі (бұдан әрі «Келісім» деп аталады) EasyShare қызметіне (бұдан әрі «Қолданба» деп аталады) және тиісті технология мен функцияларға (бұдан әрі бірге «Қызмет» деп аталады) қатысты %1$s компаниясы мен араңызда жасалған келісім болып табылады.Осы Келісімнің барлық шарттары мен ережелерін, әсіресе %1$s компаниясының жауапкершіліктен босатылу немесе жауапкершілік шектері, пайдаланушы құқықтарының шектері туралы шарттар мен ережелерді, сондай-ақ қалың қаріппен жазылған мәтінді мұқият оқып шығуыңызды және толық түсініп алуыңызды сұраймыз.Қызметті толық не оның бір бөлігін пайдалансаңыз, Келісімнің осы шарттарының барлығын қабылдаған және %1$s компаниясымен міндетті келісімшартқа отырған болып есептелесіз. Осы Келісім шарттарына келіспесеңіз, Қызметті пайдалана алмайсыз.
1.1 Қызметті пайдаланған кезде аймағыңыздың заңдарына сәйкес азаматтық әрекеттерді орындауға толық қабілетті екеніңізді немесе осы Келісімнің шарттарына келісетініңізді мәлімдейсіз және соған кепілдік бересіз.
1.2 Кәмелет жасқа толмаған болсаңыз немесе аймағыңыздың заңдарына сәйкес азаматтық әрекеттерді орындауға толық қабілетті болмасаңыз, ата-анаңыздың немесе қамқоршыңыздың келісімін не мақұлдауын алмайынша, Қызметті пайдаланбауыңыз немесе осы Келісімді қабылдамауыңыз тиіс.
1.3 Қызметті пайдалансаңыз немесе осы Келісімді қабылдасаңыз, осы бөлімнің бірінші бабындағы талаптарға сәйкес болған немесе ата-анаңыздың не қамқоршыңыздың келісімін алған болып есептелесіз.
2.1 Осы Қызмет сізге құрылғылар арасында файлдарды тасымалдау мүмкіндігін береді. Негізгі функциялар:
2.1.1 Жеке мәліметтердің параметрлері: Қызметті пайдаланған кезде өзіңіздің лақап атыңыз бен аватарыңызды орната аласыз.
2.1.2 Телефонды клондау: Осы Қызметтің көмегімен басқа мобильді құрылғымен байланыс орнатып, қолданбалар, музыка, бейне, аудио, т.с.с. деректерді тікелей оған жіберіп, одан қабылдай аласыз.
2.1.3 Деректердің сақтық көшірмесі: Бұл қызмет арқылы компьютерлік құрылғымен байланыс орнатып, телефоннан компьютерге қолданбалар, музыка және бейнелер сияқты деректердің сақтық көшірмесін жасауға немесе компьютерде сақталған сақтық көшірме деректерін телефонға қайтаруға болады.
2.1.4 Файл жіберу: Суреттерді, музыканы, бейнені, аудионы және Файлдарды басқару бөлімінде қол жеткізуге болатын басқа кез келген контентті (бірге «Контент» деп аталады) екінші тарапқа тікелей жіберу / одан қабылдау үшін Қызмет арқылы құрылғыңыз бен басқа мобильді құрылғы арасында байланыс орнатуға болады.
2.2 Өзге жағдайлар
2.2.1 Осы Қызметте істейтін нақты функциялар жүйенің нұсқасына және құрылғының моделіне байланысты әртүрлі болуы мүмкін. Іс жүзіндегі функцияларды қараңыз.
2.2.2 Сізге қызметтерді тиімді түрде көрсету үшін бұл Қызмет құрылғыңыздың процессорларын, кең диапазонды байланысын және басқа ресурстарды пайдалануы мүмкін екенін түсінесіз және соған келісесіз. Осы Қызметті пайдаланған кездегі дерек ағынының тиісті ақысын оператордан біліп, тиісті шығындарды өзіңіз көтеруіңіз керек.
2.2.3 Пайдаланудан алынатын әсер мен қызмет контентін жақсарту үшін %1$s жаңа қызметтерді әзірлеуге тырысады және ара-тұра жаңарту қызметін көрсетеді (осы жаңартулар ауыстыру, өзгерту, функцияны күшейту, нұсқаны жетілдіру, контентті реттеу, т.с.с. бір немесе бірнеше формада көрсетілуі мүмкін). Қызметтің қауіпсіздігі мен функциясының үйлесімділігін қамтамасыз ету үшін %1$s қызметті сізге арнайы хабарламалар жібермей жаңартуға немесе реттеуге, не болмаса қызмет функциясын толықтай не бір бөлігін өзгертуге немесе шектеуге құқылы.
3.1 Осы құжат арқылы %1$s сізге Қызметті пайдалануға арналған, жауапкершілікті алып тастауға болатын жағдайлары жоқ, үшінші тараптарға табысталмайтын, сублицензияланбайтын, қайтарылатын және шектеулі лицензияны береді.
3.2 %1$s сізге осы құжатта беретін лицензиялар %1$s компаниясының сізге ешбір контентті, өнімді немесе қызметті толық не бөлшектеп сатуды және/немесе табыстауды білдірмейтініне немесе солай қарастырылмайтынына келісесіз.
3.3 Қызметке қатысты осы Келісімнің 3.1-бөлімінде айқын көрсетілген шектеулі лицензиядан басқа жағдайда, %1$s сізге авторлық құқыққа, сауда белгісіне, патентке немесе ешбір басқа зияткерлік меншікке қатысты ешбір құқықты немесе мүддені немесе меншік құқығын тікелей немесе жанама түрде бермейді.
3.4 Қызметтің кез келген байланысты контентін коммерциялық жолмен пайдалануға, өзгертуге, бөлшектеуге, декомпиляциясын жасауға немесе инженерлік анализін жасауға болмайды.
3.5 Қызметке қатысты барлық бағдарламалық құралдар мен контент, соның ішінде құрылымдар, бастапқы кодтар және бағдарламалық құралдың тиісті құжаттары (бірақ бұлармен шектелмейді) %1$s компаниясының, %1$s филиалдарының немесе жеткізушілерінің меншігі болып табылатынын, құнды сауда құпиясын және/немесе зияткерлік меншікті қамтитынын және %1$s компаниясының, %1$s филиалдарының немесе жеткізушілерінің құпия ақпараты ретінде қарастырылатынын қабылдайсыз және соған келісесіз.
3.6 Қызметті қолданыстағы барлық заңдарға сәйкес, соның ішінде тиісті авторлық құқық және басқа зияткерлік меншік құқықтарының нормаларына және/немесе экспортты бақылау нормаларына (бірақ бұлармен шектелмейді) сәйкес пайдалануға келісесіз.
4.1 Осы құжат арқылы Қызметті пайдаланған кезіңізде қолданыстағы барлық заңдар мен нормаларға бағынуға және осы қызметті пайдаланып төмендегі ақпаратты орналастырмауға, көрсетпеуге, жүктеп салмауға, өзгертпеуге, жарияламауға, тасымалдамауға, сақтамауға, жаңартпауға немесе бөліспеуге міндеттенесіз:
4.1.1 басқа тұлғаға тиесілі, бірақ пайдаланушының құқығы жоқ ақпарат;
4.1.2 беделді түсіретін, ұятсыз, порнографиялық, педофилиялық, басқа тұлғаның жеке өміріне, соның ішінде физикалық мәліметтеріне қол сұғатын, жыныстық тұрғыдан қорлайтын немесе қудалайтын, жала жабатын, нәсілдік немесе этникалық тұрғыдан қорлайтын, ақшаның ізін жасыруға немесе құмар ойындарға байланысты немесе ынталандыратын, қолданыстағы заңдарға сәйкес келмейтін немесе қайшы келетін ақпарат;
4.1.3 балаға зиянды ақпарат;
4.1.4 кез келген патент құқығын, тауар белгісі құқығын, авторлық құқықты немесе басқа меншік құқығын бұзатын ақпарат;
4.1.5 қолданыстағы кез келген заңды бұзатын ақпарат;
4.1.6 хабардың шыққан жері туралы адресатты алдайтын не жаңылыстыратын, не болмаса сипаты бойынша жалғандығы айқын не жаңылыстыратын, бірақ факт ретінде қателікпен қабылдануы мүмкін кез келген мәліметті біле тұра және қасақана хабарлайтын ақпарат;
4.1.7 басқа адам етіп көрсететін ақпарат;
4.1.8 Үндістанның бірлігіне, тұтастығына, қорғанысына, қауіпсіздігіне немесе егемендігіне, шет мемлекеттермен достық қатынастарға немесе қоғамдық тәртіпке қауіп төндіретін немесе кез келген сотта қаралатын құқық бұзушылық жасауға итермелейтін, кез келген қылмыстың тергеуіне кедергі келтіретін немесе басқа ұлтты қорлайтын ақпарат;
4.1.9 кез келген компьютер ресурсының жұмысын тоқтатуға, жоюға немесе шектеуге жасалған бағдарламалық вирусты немесе кез келген басқа компьютерлік кодты, файлды немесе бағдарламаны қамтитын ақпарат;
4.1.10 көпе-көрінеу жалған және шындыққа жатпайтын, қаржылық пайда табу үшін немесе кез келген адамға зиян келтіру мақсатында адамды, заңды тұлғаны немесе агенттікті жаңылыстыру немесе қудалау ниетімен кез келген түрде жазылған немесе жарияланған ақпарат;
4.2 Алдыңғы баптағы шартты бұзсаңыз, %1$s ұйымы Қызметті тоқтатуға, құқық бұзатын / заңсыз контентті жоюға және қажетті құқықтық шаралар қолдануға құқылы болады.
Біз құпиялылығыңыз бен жеке мәліметтеріңізге үлкен мән береміз, сондықтан мәліметтеріңіз «құпиялылық саясатына» сәйкес жиналады және өңделеді. Қызметті пайдалану алдында EasyShare құпиялылық шарттарын мұқият оқып шығыңыз.
6.1 Қызмет сіздің жеке қолданысыңызға арналған және сіз оны ешбір үшінші тұлғаға бермеуіңіз тиіс. %1$s ұсынған қызметтерді, жұмыстарды немесе функцияларды пайдалану нәтижелеріне (заңсыз немесе осы Келісімді бұзған) өзіңіз ғана жауапты болатыныңызды түсінесіз және соған келісесіз. Қызметті пайдалануыңызға қатысты барлық тәуекелдерді өз мойныңызға алуға келісесіз.
6.2 Қарама-қарсы жағдайды мәлімдейтін ешбір бапқа қарамастан, Қызмет және Қызметке қатысты бүкіл ақпарат, өнімдер, бағдарламалық құралдар, бағдарламалар және контент, соның ішінде қолданба (бұнымен шектелмейді) «ӨЗ ҚАЛПЫНДА» ешбір түрдегі кепілдіксіз беріледі. %1$s айқын, ұйғарынды, заңмен және басқа жолмен орнатылған барлық мәлімдемелерден немесе кепілдіктерден, соның ішінде қауіпсіздікке, тұрақтылыққа, дәлдікке, саудалық жарамдылығына, белгілі бір мақсатқа жарамдылығына, меншік және зияткерлік меншік құқықтарын бұзбауға қатысты мәлімдемелерден және кепілдіктерден (бірақ бұлармен шектелмейді) заңда рұқсат етілген максималды дәрежеде бас тартады.
6.3 Осы құжат арқылы %1$s Қызметке немесе тиісті контентке қатысты туындаған жанама, кездейсоқ, арнайы немесе басқа залалдарға немесе шығындарға байланысты барлық жауапкершіліктен бас тартады, ал сіз %1$s компаниясын, %1$s филиалдарын және қызметкерлерін, директорларын, жұмыскерлерін жауапкершіліктен заңмен рұқсат етілген максималды дәрежеде біржолата, мерзімсіз және сөзсіз босатасыз.
6.4 %1$s осы Келісімдегі Қызметті ұсынбағаны немесе міндеттемелерін орындамағаны үшін келесі жағдайларда жауапты болмайды:
6.4.1 Форс-мажор жағдайлары, соның ішінде жер сілкінісі, су тасқыны, дауыл, цунами, эпидемия, соғыс, лаңкестік шабуыл, тәртіпсіздік, ереуіл және үкіметтің тыйым салу қаулысы (бірақ бұлармен шектелмейді);
6.4.2 Бағдарламалық құралды жөндеу, жаңарту немесе біз істететін немесе біздің атымыздан үшінші тұлға істететін жабдық апгрейдін жасау;
6.4.3 Желілік оператордың проблемасына немесе пайдаланушы желісі байланысының проблемасына байланысты деректерді жіберу процесінің үзілуі;
6.4.4 Үшінші тараптар ұсынған бағдарламалық құралға не қызметтерге немесе үшінші тараптардың әрекеттеріне байланысты болған кез келген мәселе;
6.4.5 %1$s Қызметті заңдар мен нормалардың талаптарына сәйкес немесе %1$s компаниясының бизнесті ретке келтіруі сияқты басқа себептерге байланысты уақытша немесе біржолата тоқтататын жағдайлар.
Шағымдарыңыз, талап-арыздарыңыз, сұрақтарыңыз, пікірлеріңіз немесе ұсыныстарыңыз бар болса, %1$s компаниясының ресми веб-сайтына (https://www.%2$s.com) өтіп, Интернеттегі клиенттерге қолдау көрсету қызметі арқылы %1$s компаниясына хабарласуыңызға, сұрақтарыңызды [Анықтама және кері байланыс] арқылы жіберуіңізге немесе %1$s компаниясына төмендегі жолмен хабарласуыңызға болады:
Байланыс тұлғасы: Шайлендра Чаухан (Shailendra Chauhan)
Электрондық пошта: grievance.officer@%2$s.com
Телефон: %3$s
Жұмыс уақыты: Дүйсенбі-жұма (9:30-18:00)
8.1 Осы Келісім %1$s компаниясы мен араңыздағы толық келісімшартты құрап, осы Келісімнің мәні бойынша %1$s компаниясы мен араңызда бұрын жасалған барлық келісімдердің орнын басады.
8.2 Осы Келісімнің кез келген бабы жарамсыз болса немесе күшінен айырылса, қалған баптары толық күшінде қалады.
8.3 Осы Келісімнің кез келген орындалмаған талабы сіздің немесе %1$s компаниясының құқықтан бас тартуы болып табылмайды.
8.4 %1$s сізге беретін лицензиялар осы құжатта нақты берілген лицензиялармен шектеледі. Сізге тікелей берілмеген барлық құқықтарды %1$s сақтап қалады.
8.5 Осы Келісімді бұзсаңыз, %1$s осы Келісімді біржақты түрде жоюға және тиісті қызметтерді келтірілген залал үшін ешқандай жауапкершілік көтермей тоқтатуға құқылы болады. Күмәнді жағдай орын алмауы үшін, осы Келісімнің кез келген күшінде қалады деп көрсетілген немесе көзделген талабы осы Келісім жойылған соң келісілген шарттардың мерзімі аяқталғанша немесе өз сипатына сай жойылғанша күшінде қала береді.
8.6 %1$s осы Келісімді ара-тұра өзгерту құқығын сақтап қалады. Келісім шарттарының соңғы нұсқасын тиісті парақтан қарауға болады. Қызметті әрі қарай пайдалансаңыз, осы Келісімнің осындай өзгертілген нұсқасын қабылдаған болып есептелесіз.
8.7 Қызметті пайдаланған кезіңізде, орналасқан жеріңіздегі жергілікті билік органдарының, ауданның, автономды аймақтың, федерацияның және еліңіздің заңдарына, қаулыларына, ішкі ережелеріне, басқа ережелерге бағынуға келісесіз.
2021 жылғы маусым айында жаңартылды