EasyShare अन्तिम प्रयोगकर्ता इजाजतपत्र र सेवा सम्झौता
EasyShare अन्तिम प्रयोगकर्ता इजाजतपत्र र सेवा सम्झौता (यहाँ यसपछि यो "सम्झौता" भनिने छ) EasyShare (यहाँ यसपछि "एप" भनिने छ) का सेवा र सम्बन्धित प्रविधि र प्रकार्यहरू (यहाँ यसपछि समग्रमा "सेवा" भनिने छ) का सम्बन्धमा तपाईं र iQOO को बीचमा भएको सम्झौता हो । कृपया यो सम्झौता, विशेषगरी iQOO को दायित्वको छुट वा सीमा, प्रयोगकर्ता अधिकारहरूको सीमा, विवाद समाधान र लागूयोग्य कानूनहरूका साथै बोल्ड ढाँचामा चिन्हित सामग्रीसँग सम्बन्धित नियम तथा सर्तहरू ध्यानपूर्वक पढेर पूर्ण रूपमा बुझ्नुहोस् । तपाईंले पूर्ण वा आंशिक रूपमा सेवा प्रयोग गरेका खण्डमा तपाईंले यो सम्झौताका यी सबै सर्तहरू स्वीकार गर्नुभयो भन्ने बुझिने छ र तपाईं iQOO सँग बाध्यकारी करारमा प्रवेश गर्नुभयो भन्ने मानिने छ । तपाईं यो सम्झौतामा सहमत हुनुभएन भने तपाईंले सेवा प्रयोग गर्न सक्नु हुने छैन ।
यहाँ उल्लेख गरिएको "हामी" वा "iQOO" भन्नाले Dongguan नगरपालिकाको बजार निरीक्षण प्रशासनद्वारा समरूप सामाजिक क्रेडिट कोड ९१४४१९००५५७२६२०८३U मा दर्ता भएको नम्बर १, vivo Road, Chang’an, Dongguan, Guangdong Province, China मा स्थित vivo Mobile Communication Co., Ltd. लाई बुझिन्छ ।
१.१ तपाईंले सेवा प्रयोग गर्दा व यो सम्झौतामा सहमति जनाउँदा तपाईं आफ्नो क्षेत्रका कानूनहरूअनुसार तपाईंसँग सभ्य आचरणका लागि क्षमता छ भन्ने तपाईंले विश्वास दिलाउनुहुन्छ र आश्वासन दिनुहुन्छ ।
१.२ तपाईं आफ्नो क्षेत्रको कानूनअनुसार सभ्य आचरणका लागि नाबालक हुनुहुन्छ वा तपाईंसँग पूर्ण क्षमता नभएको अवस्थामा तपाईंको आमाबुवा वा अभिभावकद्वारा सहमति नदिउञ्जेल वा पुष्टिकरण नगरिउञ्जेल तपाईंले सेवा प्रयोग गर्न वा यो सम्झौता स्वीकार गर्न पाउनु हुने छैन् ।
१.३ तपाईंले यो सेवा प्रयोग गर्न जारी राख्नुभएमा वा यो सम्झौता स्वीकार गर्नुभएका खण्डमा तपाईंले यो खण्डको पहिलो अनुच्छेदमा भएको प्रावधान पूरा गर्नुभएको वा तपाईंले आफ्नो आमाबुवा वा अभिभावकबाट सहमति प्राप्त गर्नुभएको छ भन्ने ठानिने छ ।
२.१ यो सेवाले तपाईंलाई यन्त्रहरूबीच फाइलहरू स्थानान्तर गर्ने क्षमता उपलब्ध गराउँछ । विशेष मुख्य प्रकार्यहरू निम्नानुसार छन्:
२.१.१ व्यक्तिगत जानकारीका सेटिङहरू: तपाईं सेवा प्रयोग गर्ने बेलामा आफ्नो उपनाम र अवतार सेट गर्न सक्नुहुन्छ ।
२.१.२ फोन क्लोन: तपाईंले अर्को यन्त्रमा र एक-अर्कासँग फेस-टू-फेस एप्लिकेसन, सङ्गीत, भिडियो, अडियो, आदि जस्ता डाटा पठाउन वा प्राप्त गर्नका लागि अर्को मोबाइल यन्त्रसँग जडान स्थापना गर्न यो सेवा प्रयोग गर्न सक्नुहुन्छ ।
२.१.३ डाटा ब्याकअप: तपाईंले आफ्नो फोनबाट आफ्नो कम्प्युटरमा एप्लिकेसन, सङ्गीत र भिडियोहरू जस्ता डाटा ब्याकअप गर्न वा आफ्नो कम्प्युटरमा बचत गरिएको ब्याकअप डाटालाई आफ्नो फोनमा पूर्वावस्थामा ल्याउनका लागि आफ्नो कम्प्युटर यन्त्रसँग जडान स्थापना गर्न यो सेवा प्रयोग गर्न सक्नुहुन्छ ।
२.१.४ फाइल स्थानान्तरण: तपाईंले अर्को पक्षबाट वा अर्को पक्षलाई फेस-टू-फेस तस्विर, सङ्गीत, भिडियो, अडियो र फाइल प्रबन्धकमा पहुँचयोग्य अन्य कुनै पनि सामग्रीहरू (सङ्ग्रहित रूपमा "सामग्रीहरू") पठाउन/प्राप्त गर्नको लागि यो सेवामार्फत आफ्नो यन्त्र र अर्को मोबाइल यन्त्र बीच जडान स्थापना गर्न सक्नुहुन्छ ।
२.२ अन्य
२.२.१ यो सेवाद्वारा समर्थित निश्चित प्रकार्यहरू यन्त्रको प्रणाली संस्करण र मोडेलमा भर पर्दै भिन्न हुन सक्छन्, कृपया वास्तविक उपलब्धतामा सन्दर्भ राख्नुहोस् ।
२.२.२ तपाईं यी कुराहरू बुझ्नुहुन्छ र सहमत हुनुहुन्छ: तपाईंलाई प्रभावकारी सेवाहरू उपलब्ध गराउनका लागि, यो सेवाले तपाईंका टर्मिनल प्रोसेसर, ब्रोडव्याण्ड र अन्य स्रोतहरूको फाइदा लिन सक्छ । यो सेवाको प्रयोगको अवधिमा आउन सक्ने डाटा प्रवाहको लागतका लागि, तपाईंले अपरेटरबाट सम्बन्धित शुल्क थाहा पाउनु पर्ने हुन्छ र सम्बन्धित खर्चहरू आफैले बेहोर्नु पर्ने हुन्छ ।
२.२.३ प्रयोगकर्ता अनुभव र सेवाका सामग्रीहरू सुधार्नका लागि, iQOO ले नयाँ सेवाहरू विकास गर्ने प्रयत्नहरू गर्ने छ र समय-समयमा सेवा अपडेट उपलब्ध गराउने छ (यी अपडेटहरूमा एक वा सोभन्दा बढी स्वरूपहरूमा गर्न सकिन्छ, जस्तै प्रतिस्थापन, परिमार्जन, प्रकार्य अझ बलियो बनाउने, संस्करण अपग्रेड गर्ने, सामग्री समायोजन गर्ने र थप यस्तै) । सेवाको सुरक्षा र प्रकार्यको एकरूपता सुनिश्चित गर्नका लागि, iQOO लाई तपाईंलाई कुनै विशेष सूचना नदिइकन सेवा अपडेट गर्ने वा समायोजन गर्ने वा सेवाका सबै भाग वा केही भाग परिवर्तन गर्ने वा सीमित बनाउने अधिकार हुन्छ ।
३.१ iQOO ले यसद्वारा तपाईंलाई सेवा प्रयोग गर्न गैर-विशेष, गैर-स्थानान्तरणयोग्य, सह-इजाजतपत्र दिन नमिल्नेगरी, रद्द गर्न सकिने र सीमित इजाजतपत्र प्रदान गर्छ ।
३.२ तपाईंलाई iQOO ले यसद्वारा प्रदान गरेका इजाजतपत्रहरू iQOO द्वारा तपाईंलाई कुनै पनि सामग्री, उत्पादन वा सेवाको पूरा भाग वा केही भाग बिक्री र/वा स्थानान्तर गरिएको हो भन्ने मानिने छैन वा बुझिने छैन भन्ने कुरामा तपाईं सहमत हुनुहुन्छ ।
३.३ यो सम्झौताको खण्ड ३.१ मा तपाईंलाई व्यक्त रूपमा अनुमति दिइएको सेवामा iQOO ले तपाईंलाई प्रतिलिपि अधिकार, व्यापारचिन्ह, पेटेन्ट वा अन्य कुनै पनि बौद्धिक सम्पत्ति वा स्वामित्वसम्बन्धी अधिकार, सीमित इजाजतपत्रका लागि बचत गर्न कुनै पनि अधिकार वा हित व्यक्त वा अव्यक्त रूपमा अधिकार प्रदान गर्दैन ।
३.४ तपाईंले सेवाको कुनै पनि सम्बन्धित सामग्री व्यापारिक प्रयोग गर्न, परिमार्जन गर्न, अलग पार्न, छरपस्ट पार्न वा विपरीत इन्जिनियरिङ गर्न पाउनु हुने छैन ।
३.५ सेवासँग सम्बन्धित रहेका सफ्टवेयरसँग सम्बन्धित संरचना, स्रोत कोड र कागजातहरूसहित तर यसमा मात्र सीमित नरहेर मूल्यवान व्यापारिक गोप्यता र/वा बौद्धिक सम्पत्तिहरू समावेश भएका सबै सफ्टवेयर र सामग्रीहरू iQOO, iQOO का सम्बद्ध वा तिनीहरूका आपूर्तिकर्ताहरूको सम्पत्तिहरू मानिन्छन् र यिनीहरूलाई iQOO, iQOO का सम्बद्ध वा तिनीहरूका आपूर्तिकर्ताहरूका गोपनीय जानकारी मानिने छ ।
३.६ तपाईं सम्बन्धित प्रतिलिपि अधिकार र अन्य बौद्धिक सम्पत्ति अधिकारसम्बन्धी नियमनहरू र/वा निर्यात नियन्त्रणसम्बन्धी नियमनहरूसहित तर यतिमा मात्र सीमित नरहेर प्रचलित सबै कानूनहरूअनुसार सुसंगत हुनेगरी सेवा प्रयोग गर्न सहमत हुनुहुन्छ ।
४.१ तपाईंले यो सेवा प्रयोग गर्दा, तपाईंले सबै लागूयोग्य कानून र नियमनहरू पालना गर्नु हुने छ र निम्न सहित तर सोहीमा सीमित नभइ कुनै गैर-कानूनी वा उल्लङ्घन कार्य सञ्चालन गर्नको लागि यो सेवा प्रयोग गर्नु हुने छैन भनी सहमति जनाउनुहुन्छ:
४.१.१ निम्न प्रकारका कुनै पनि जानकारी होस्ट गर्ने, प्रदर्शन गर्ने, अपलोड गर्ने, परिमार्जन गर्ने, प्रकाशन गर्ने, प्रसारण गर्ने, भण्डार गर्ने, अद्यावधिक गर्ने वा साझा गर्ने:
४.१.१.१ अवैध, मानहानि गर्ने, अपमानजनक, भेदभावकारी, जिस्क्याउने, आतंकवादी, आक्रामक, हिंस्रक, घृणास्पद, अशोभनीय, अश्लील, जातीय वा सम्प्रदायिक रूपमा आपत्तिजनक, लैङ्गिकताका आधारमा घृणास्पद वा भेदभावकारी, राष्ट्रिय सुरक्षा, सत्यनिष्ठा वा प्रभुत्व वा सार्वजनिक आदेशलाई चुनौति दिने वा कुनै पनि स्वरूपका अन्य कुनै पनि अपमानजनक सामग्री;
४.१.१.२ बच्चा प्रति दुर्व्यवहार गर्ने वा हानिकारक सामग्री;
४.१.१.३ कुनै पनि कम्प्युटरको संसाधन अवरोध गर्ने, नष्ट गरर्ने वा सीमित बनाउने गरी डिजाइन गरिएको सफ्टवेयर भाइरस वा अन्य कुनै कम्प्युटर कोड, फाइल वा प्रोग्राम समावेश गरिएको कुनै पनि सामग्री;
४.१.२ जालसाजी, पैसाको शोधन, अवैध कारोबारहरू, जुवा र अन्य यस्तै वा कानून प्रवर्तनका आधारमा असंगत वा विरुद्धमा हुने यस्तै काम;
४.१.३ नाम (जस्तै अर्को व्यक्तिको भेष धारण गर्ने), इज्जत, व्यक्तिगत जानकारी, गोपनीयता र व्यापारिक गोप्यता, प्रतिलिपि अधिकार, पेटेन्ट अधिकार, व्यापारचिन्ह र अन्यका स्वामित्वसम्बन्धी अन्य अधिकारहरूको उल्लङ्घन गर्ने;
४.१.४ कानून उल्लङ्घन गर्न र/वा अन्यका अधिकार तथा हितहरू हनन् गर्न उद्देश्यले गलत वा भ्रामक जानकारी सञ्चार गर्ने; र
४.१.५ प्रचलित कानून तथा नियमहरूको उल्लङ्घन गर्ने, अन्यका अधिकारहरू उल्लङ्घन गर्ने र/वा कुनै पनि तरिकाले नाबालकहरूलाई हानी पुर्याउने ।
४.२ तपाईंले अघिल्लो अनुच्छेदका कुरा उल्लङ्घन गर्नुभयो भने, iQOO सँग एकतर्फी रूपमा सेवा समाप्त गर्ने, उल्लङ्घन गरिएका/अवैध सामग्रीहरू हटाउने र आवश्यक कानूनी उपायहरू अपनाउने अधिकार हुने छ ।
हामीले तपाईंका गोपनीयता र व्यक्तिगत जानकारीलाई महत्त्व दिन्छौं जसकारण तपाईंका जानकारीको हाम्रो सङ्कलन र प्रक्रिया हाम्रो "गोपनीयता नीति" का अनुपालनअनुसार गरिने छ । यो सेवा प्रयोग गर्न सुरु गर्नुअघि कृपया EasyShare का गोपनीयता सर्तहरू विस्तृत रूपमा पढ्नुहोस् ।
६.१ सेवा तपाईंको व्यक्तिगत प्रयोगका लागि मात्र हो र तपाईंले यो कुनै पनि तेस्रो पक्षलाई उपलब्ध गराइनु हुँदैन । iQOO द्वारा उपलब्ध गराइएका सेवाहरू, कार्यसम्पादन वा प्रकार्यहरू (यो सम्झौताको गैर-कानूनी वा उल्लङ्घन हो) तपाईं आफूले प्रयोग गरेका परिणामहरूका लागि एकल रूपमा जिम्मेवारी हुनुहुन्छ भन्ने बुझ्नुभएको छ र सहमत जनाउनु भएको छ । तपाईंले सेवा प्रयोग गर्नको लागि सबै जोखिमहरू लिने कुरा स्वीकार गर्नुहुन्छ ।
६.२ माथि जस्तोसुकै कुरा लेखिएको भए तापनि, एपसहित तर यतिमा मात्र सीमित नरहेर सेवासँग सम्बन्धित सेवा र सबै जानकारी, उत्पादनहरू, सफ्टवेयर, कार्यक्रम र सामग्रीहरू कुनै पनि प्रकार वा स्वरूपको ग्यारेन्टी र वारेन्टीविना "जस्तो छ त्यस्तै" आधारमा उपलब्ध गराइएको छ । iQOO ले कुनै निश्चित प्रयोजनका लागि सुरक्षा, स्थायित्व, शुद्धता, बिक्रीयोग्यता, उपयुक्तता र स्वामित्व तथा बौद्धिक सम्पत्तिको गैर-उल्लङ्घनमा प्रतिनिधित्व वा वारेन्टीहरू उपलब्ध गराउनेसहितका तर तिनीहरूमा मात्र सीमित नरहेर व्यक्त वा अव्यक्त रूपमा भएका, वैधानिक र अन्य प्रकारका सबै प्रतिनिधित्व वा वारेन्टी कानूनले दिएको अधिकतम हदसम्म दावी अस्वीकार गर्छ ।
६.३ iQOO ले यी सबै दाबी अस्वीकार गर्छ र तपाईं यसद्वारा iQOO, यसका सम्बद्ध र iQOO र यसका सम्बद्धहरूका कर्मचारी, निर्देशक र अधिकारीहरूलाई तपाईंले सेवाबाट भोग्नुभएको वा सेवासँग सम्बन्धित वा कुनै पनि प्रकारको अप्रत्यक्ष, आकस्मिक, विशेष नोक्सानी वा क्षतिका सबै जिम्मेवारीहरूबाट कानूनद्वारा अनुमति दिइएको अधिकतम हदसम्म अपरिवर्तनीय, निरन्तर र विनासर्त रूपले मुक्त गर्नुहुन्छ र छुटकारा दिनुहुन्छ ।
६.४ सेवा उपलब्ध गराउन असफल भएको कारणका लागि वा निम्न कारणहरू भएमा यो सम्झौतामा दायित्वहरू पूरा गर्न iQOO उत्तरदायी हुँदैन:
६.४.१ भूकम्प, बाढी, तूफान, सुनामी, महामारी, युद्ध, आतंकवादी आक्रमण, दंगा, हड्ताल र सरकारी आदेश सहितका तर यसमा मात्र सीमित नरहेर हुने अप्रत्याशित घटना;
६.४.२ हामीद्वारा वा हाम्रोतर्फबाट तेस्रो पक्षद्वारा सञ्चालित हार्डवेयरको मर्मत, सफ्टवेयरको अद्यावधिक वा स्तरवृद्धि;
६.४.३ सञ्जाल सञ्चालकको समस्या वा प्रयोगकर्ताको सञ्जाल जडान समस्याका कारण डाटा ट्रान्समिसनको अवरोध;
६.४.४ तेस्रो पक्षद्वारा उपलब्ध गराइएका सफ्टवेयर वा सेवा वा तेस्रो पक्षका कार्यद्वारा निम्तिएका समस्या;
६.४.५ iQOO को व्यवसाय समायोजन जस्ता कानून र नियमनहरू वा अन्य अस्थिर कारणहरूले iQOO ले सेवा निलम्बन वा समाप्त गर्नु पर्ने अन्य परिस्थितिहरू ।
अन्यथा तपाईंको निवासको क्षेत्राधिकार कानूनहरूद्वारा विरोधमा स्पष्ट रूपमा तय नगरिदासम्म, यो सम्झौतालाई कानूनको विरुद्धमा ध्यान नदिइकन जनवादी गणतन्त्र चीनद्वारा नियन्त्रित र त्यसअनुसार अनुमानित गरिनु पर्ने छ । तपाईं यो सम्झौता वा सेवाबाट उत्पन्न हुने वा यससँग सम्बन्धित कुनै पनि विवाद छलफलद्वारा समाधान गरिने छ भन्ने कुरासँग सहमत हुनुहुन्छ । आपसी छलफलद्वारा समाधान गर्न नसकिएका कुनै पनि विवाद जनवादी गणतन्त्र चीनका कानून अनुसार मध्यस्थता गर्नका लागि जनवादी गणतन्त्र चीनको Shenzhen Court of International Arbitration (SCIA) मा पेश गरिने छ । र मध्यस्थताको सिट Shenzhen हुने छ ।
तपाईंसँग कुनै पनि उजुरी, प्रश्न टिप्पणी वा सुझाव भएमा तपाईं [मद्दत तथा पृष्ठपोषण] मार्फत आफ्ना प्रश्नहरू पेश गर्न सक्नुहुन्छ ।
९.१ यो सम्झौताले यस विषयका सम्बन्धमा तपाईं र iQOO काबीच यसअघि भएका सबै सम्झौता प्रतिस्थापित गरी, तपाईं र iQOO काबीच सम्झौता भएको मानिन्छ ।
९.२ यस सम्झौताको कुनै पनि प्रावधान अमान्य वा अप्रवर्तनीय भएका खण्डमा, बाँकी भाग पूर्ण रूपमा कार्यान्वयन र प्रभावकारी हुन जारी रहने छन् ।
९.३ यो सम्झौताको लागू नभएको कुनै पनि प्रावधान भएमा तपाईं वा iQOO द्वारा अधिकारको त्याग गरिएको ठानिेने छैन ।
९.४ तपाईंलाई iQOO ले प्रदान गराएका इजाजतपत्रहरू यहाँ स्पष्ट रूपमा व्यक्त गरिएको विषयसम्म सीमित हुने छ । तपाईंलाई व्यक्त रूपमा प्रदान नगरिएका सबै अधिकारहरू iQOO ले आरक्षित गर्दछ ।
९.५ तपाईंले यो सम्झौता उल्लङ्घन गर्नुभयो भने, iQOO सँग क्षतिका कुनै पनि दायित्व वहन नगरिकन एकतर्फी रूपमा यो सम्झौता र सम्बन्धित सेवाहरू समाप्त गर्ने अधिकार हुने छ । सन्देहलाई हटाउनको लागि, प्रचलित जारी गर्न अभिव्यक्त वा अभिप्रेत गरिएको यो सम्झौताको कुनै पनि प्रावधानले यसको प्रकृतिद्वारा सहमत अवस्था वा सर्तको म्याद समाप्त नहुँदासम्म यो सम्झौताको खारेजलाई बचाइ राख्ने छ ।
९.६ iQOO ले समय-समयमा यो सम्झौता परिमार्जन गर्ने अधिकार आरक्षित गर्छ । तपाईं सम्बन्धित पृष्ठमा सम्झौताका सर्तहरूको नवीनतम संस्करण हेर्न सक्नुहुन्छ । तपाईंले सेवा प्रयोग गर्न जारी राखेका खण्डमा तपाईंले यो सम्झौताको परिमार्जित संस्करण स्वीकार गर्नुभयो भन्ने मानिने छ ।
९.७ तपाईं स्थित हुनुभएको आफ्नो सेवाको प्रयोगमा स्थानीय अधिकारी, राज्य, स्वतन्त्र क्षेत्र, राज्यसंघ र राष्ट्रको कानून, व्यवस्था, कानूनद्वारा र अन्य नियमनहरूद्वारा पालना गर्न तपाईं सहमत गर्नुहुन्छ ।
प्रतिलिपि अधिकार © २०२२-वर्तमान vivo Mobile Communication Co., Ltd. सर्वाधिकार सुरक्षित
अगस्ट २६, २०२२