Kushtet e privatësisë për shërbimin EasyShare
Përditësimi i fundit: 25 mars 2023
%3$s (në vijim referuar si "ne" ose "neve") është ofruesi i shërbimit EasyShare ("shërbimi") dhe kontrolluesi për të dhënat personale që përpunohen në lidhje me shërbimin. Ne e vlerësojmë privatësinë tuaj dhe mendojmë se është e rëndësishme që ju të dini përse dhe si ne i përpunojmë të dhënat tuaja personale. Prandaj, në këto kushte për privatësinë për shërbimin EasyShare ("kushtet"), ne trajtojmë sa më poshtë:
1. Mbledhja dhe përpunimi: çfarë të dhënash mbledhim dhe si i përdorim ato;
2. Ruajtja: për sa kohë i ruajmë të dhënat tuaja;
3. Ndarja dhe transferimi: si i ndajmë apo transferojmë të dhënat tuaja;
4. Të drejtat tuaja: të drejtat dhe opsionet në lidhje përpunimin e të dhënave tuaja;
5. Na kontaktoni: mënyra se si mund të na kontaktoni nëse keni pyetje të mëtejshme.
Lexoni me kujdes këto kushte dhe sigurohuni që i keni kuptuar praktikat tona lidhur me të dhënat tuaja personale para se të jepni pëlqimin dhe të filloni përdorimin e shërbimit. Nuk jeni të detyruar që të jepni pëlqimin për përpunimin e të dhënave tuaja në lidhje me shërbimin, por kini parasysh sa më poshtë: NËSE NUK JENI DAKORD ME KËTO KUSHTE OSE NËSE E TËRHIQNI PËLQIMIN TUAJ, NUK DO TË JENI NË GJENDJE TA PËRDORNI SHËRBIMIN.
1. Mbledhja dhe përpunimi
Të dhënat dhe qëllimet
• EasyShare përpunon mesazhet SMS, kontaktet, kalendarin, imazhet, videot, audiot, muzikën, aplikacionet, cilësimet, regjistrimet e telefonatave, shënimet, skedarët ose materialet e tjera të ruajtura në pajisje (referuar bashkërisht si "materialet") me algoritmin në pajisjen tuaj, për funksionet bazë të shkëmbimit të pajisjes me një prekje dhe të rikthimit të kopjes rezervë. Mbani parasysh se këto të dhëna personale përpunohen lokalisht vetëm në pajisjen tuaj dhe nuk mblidhen, nuk aksesohen nga ne ose nuk ngarkohen në serverët tanë.
• Në shtetet/rajonet ku disponohet funksioni i llogarisë së telefonit celular, EasyShare përpunon informacionin e llogarisë së telefonit celular për qëllimin e shfaqjes së informacionit të llogarisë, nëse jeni të identifikuar në pajisje.
• Plani i EasyShare për përmirësimin e përvojës së përdoruesit: Ju mund të zgjidhni të merrni pjesë vullnetarisht në planin e EasyShare për përmirësimin e përvojës së përdoruesit. Nëse vendosni të bashkoheni, për të përmirësuar shërbimin tonë, ne do të mbledhim të dhënat e mëposhtme: identifikuesin e pajisjes suaj ose identifikuesin e aplikacionit, modelin e pajisjes, markën e pajisjes, versionin e sistemit Android, versionin e aplikacionit, sjelljen e përdorimit në aplikacion (p.sh. shfletimi, klikimi, etj.), prefiksin e shtetit dhe kodin e gabimit kur funksioni i aplikacionit nuk performon siç duhet etj. Përmirësime të tilla analitike do të kryhen si një koleksion të dhënash pa identifikuar asnjë identitet apo karakteristika personale. Ju mund të zgjidhni në çdo kohë të çaktivizoni butonin duke shkuar te Cilësimet > Bëhu pjesë e planit të EasyShare për përmirësimin e përvojës së përdoruesit brenda aplikacionit EasyShare. Nëse e çaktivizoni këtë buton, ne do ta ndalojmë këtë përpunim në shërbim derisa të jepni përsëri pëlqimin. Mbani parasysh se ky funksion mund të jetë i disponueshëm vetëm në disa pajisje të caktuara për shkak të modelit të pajisjes, versionit të sistemit ose kufizimeve të rajonit, që i nënshtrohen disponueshmërisë aktuale. Ne do të përpunojmë të dhëna sipas këtij përshkrimi të funksionit vetëm nëse e aktivizoni ose e përdorni këtë funksion.
Ne i përpunojmë të dhënat për qëllimet e mësipërme vetëm pasi ju pranoni këto kushte. Dhe kur lejohet nga ligjet në fuqi, në rrethana të caktuara mund të zbatohet bazë tjetër ligjore, siç deklarohet në seksionin 2 te Politika e privatësisë. Nëse nuk dëshironi të përdorni të gjitha funksionet e shërbimit, tërhiqeni pëlqimin tuaj me anë të mënyrave të përshkruara në seksionin 4 të kushteve.
Siguria:
Ne kujdesemi për mbrojtjen e të dhënave tuaja personale. Ne kemi marrë masa të përshtatshme sigurie, duke përfshirë, por pa u kufizuar vetëm tek teknikat e enkriptimit dhe anonimizimit, të cilat janë projektuar për t'i mbrojtur të dhënat tuaja personale nga përdorimi i paautorizuar, dëmtimi ose humbja. Ne do të bëjmë më të mirën që t'i mbrojmë të dhënat tuaja personale. Nëse dyshoni se ka ndodhur ndonjë përdorim i paautorizuar, dëmtim ose humbje e të dhënave tuaja personale, ju lutemi na njoftoni menjëherë duke përdorur të dhënat e kontaktit më poshtë.
2. Ruajtja
Periudha:
Të dhënat në lidhje me hyrjen në llogarinë e telefonit celular dhe me planin e përmirësimit të përvojës së përdoruesit do të ruhen në serverët tanë vetëm brenda periudhës së nevojshme për përpunimin e të dhënave. Për të dhëna të tjera, veçanërisht materialet për të cilat përdorni shërbimin për t'i transferuar, ato do të përpunohen vetëm lokalisht në pajisjen tuaj dhe nuk do të mblidhen, aksesohen nga ne ose nuk do të ngarkohen në serverët tanë. Ndërkohë, ne do të ruajmë:
• Të dhënat personale lidhur me ushtrimin e të drejtave të subjektit të të dhënave, miratimet dhe të dhënat e ndërveprimit me klientin, për pesë vite nga ndërveprimi juaj i fundit me ne;
• Kopjet rezervë dhe evidencat e aplikacioneve të përpunuara për qëllime sigurie, për jo më shumë se gjashtë muaj nga data në të cilën janë krijuar.
Me përfundimin e periudhës së ruajtjes, ne do t'i fshijmë ose do t'i bëjmë anonime të dhënat tuaja personale, me përjashtim të rasteve kur kërkohet ndryshe nga ligjet dhe rregulloret në fuqi.
Vendndodhja:
Për të ofruar të njëjtin nivel të mbrojtjes së të dhënave si në vendin/rajonin e përdoruesit dhe për t'iu përgjigjur në mënyrë më efektive kërkesave të përdoruesve, vendi ku ruhen të dhënat ndryshon për përdoruesit në varësi të vendeve/rajoneve të ndryshme. Shihni seksionin Ruajtja dhe transferimi ndërkombëtar te Politika e privatësisë për të parë se ku ruhen të dhënat tuaja personale.
3. Ndarja dhe transferimi
Për sa i përket ngarkimit të të dhënave në server, ne do t'i përpunojmë të dhënat tuaja vetë ose përmes kompanive tona filiale ose ofruesit(ve) të shërbimit që veprojnë për llogarinë tonë. Përveç kësaj, ne i ndajmë të dhënat tuaja vetëm kur kjo kërkohet si rezultat i një procesi ligjor apo i një kërkese nga një autoritet kompetent, në përputhje me ligjet në fuqi.
Meqenëse ne operojmë në nivel ndërkombëtar dhe me qëllimin për t'ju mundësuar përdorimin e produktit tonë kudo nëpër botë, të dhënat tuaja personale mund të transferohen te subjektet që ndodhen në vende/rajone të tjera ose të aksesohen prej tyre nga distanca. Ne veprojmë në përputhje me ligjet për transferimin e të dhënave personale midis shteteve, për të garantuar që të dhënat tuaja të jenë të mbrojtura kudo.
4. Të drejtat tuaja
Ju keni të drejta të ndryshme në lidhje me të dhënat që mbajmë rreth jush.
Tërheqja e pëlqimit:
Ju mund të zgjidhni në çdo kohë që ta tërhiqni pëlqimin për përpunimin e të dhënave tuaja, duke shtypur butonin Tërhiq aprovimin, i cili mund të gjendet te Privatësia > Kushtet e privatësisë në profilin e shërbimit. Nëse e tërhiqni pëlqimin tuaj, ne do ta ndalojmë përpunimin e të dhënave tuaja në shërbim derisa ju t'i pranoni përsëri këto kushte.
Të drejtat e tjera:
Për të ushtruar të drejtat tuaja të tjera (si për shembull, korrigjimi, fshirja, kufizimi i përpunimit, kundërshtimi ose bartja e të dhënave, në varësi të ligjeve të zbatueshme për mbrojtjen e të dhënave), përdorni të dhënat e kontaktit të treguara më poshtë.
Ankesa:
Ju keni të drejtën të paraqisni një ankesë pranë një autoriteti mbikëqyrës.
5. Na kontaktoni
Nëse keni pyetje lidhur me këto kushte ose me përpunimin e të dhënave tuaja personale nga ana jonë, nëse ju duhet të raportoni një problem ose të kontaktoni personin e autorizuar për mbrojtjen e të dhënave, apo nëse doni të ushtroni një prej të drejtave tuaja sipas ligjeve për mbrojtjen e të dhënave dhe për privatësinë, prekni këtu për të na kontaktuar. Ne do të përpiqemi ta trajtojmë kërkesën tuaj pa vonesë të paarsyeshme dhe në çdo rast, brenda afateve kohore të përcaktuara nga ligjet në fuqi për mbrojtjen e të dhënave.
Këto kushte mund të përditësohen herë pas here. Ne do t'ju njoftojmë duke përdorur një metodë të përshtatshme për çdo ndryshim të konsiderueshëm. Të gjitha praktikat e përmendura në këto kushte do të kryhen në përputhje me politikën tonë të privatësisë, ku mund të gjeni gjithashtu më shumë hollësi rreth praktikave tona.