EasyShare maxfiylik shartlari
Oxirgi yangilanish: 25-mart, 2023-yil
%3$s (keyingi oʻrinlarda "biz" yoki "bizga") EasyShare ("Xizmat") provayderi hamda Xizmatga aloqador ravishda qayta ishlanadigan shaxsiy maʼlumotlar uchun javobgar tashkilot hisoblanadi. Biz maxfiyligingizni himoyalaymiz va maʼlumotlaringizning qanday qayta ishlanishini bilishingiz muhim deb hisoblaymiz. Shu sababdan, ushbu EasyShare Maxfiylik shartlarida ("Shartlar") quyidagilarni qamrab olamiz:
1. Olish va qayta ishlash: qanday maʼlumotlarni olamiz va ulardan qanday foydalanamiz;
2. Saqlash: maʼlumotlaringizni qanday saqlaymiz;
3. Ulashish va uzatish: maʼlumotlaringizni qanday ulashamiz yoki uzatamiz;
4. Huquqlaringiz: maʼlumotlaringizning qayta ishlanishi yuzasidan huquq va imkoniyatlaringiz;
5. Biz bilan aloqa: quyidagi savollar bilan bizga qanday murojaat qilishingiz mumkin.
Xizmatga rozilik berish va undan foydalanishni boshlashdan oldin ushbu Shartlar bilan tanishib chiqing hamda shaxsiy ma’lumotlaringizga aloqador amaliyotlarimizni tushunib oling. Siz Xizmatga nisbatan maʼlumotlaringizni qayta ishlashga rozilik berishingiz shart emas, lekin quyidagilarni bilib oling: AGAR USHBU SHARTLARGA ROZILIK BERMASANGIZ YOKI BERGAN ROZILIGINGIZNI BEKOR QILSANGIZ, MAZKUR XIZMATDAN FOYDALANA OLMAYSIZ.
1. Olish va qayta ishlash
Maʼlumotlar va maqsadlar
• EasyShare qurilmalarni oson almashtirish va zaxirani tiklash asosiy funksiyalarini taqdim etish uchun SMS, kontaktlar, taqvim rasmlar, video, audio, musiqa, ilovalar, sozlamalar, chaqiruv yozuvlari, qaydlar, fayllar yoki qurilmaga saqlangan boshqa kontentlarni (birgalikda "Kontentlar") algoritm yordamida qurilmangizda qayta ishlaydi. Unutmang, bunday shaxsiy maʼlumotlar faqat qurilmangizda mahalliy ravishda qayta ishlanadi va biz tomonimizdan olinmaydi, kirilmaydi yoki serverlarimizga yuklanmaydi.
• Mobil telefon hisobi funksiyasi mavjud mamlakatlar/mintaqalarda agar qurilmada hisobingizga kirgan boʻlsangiz, EasyShare hisob haqidagi axborotlarni koʻrsatish maqsadida mobil telefon hisobingiz haqidagi axborotni qayta ishlaydi.
• EasyShare foydalanuvchi taassurotini yaxshilash dasturi: Siz EasyShare foydalanuvchi taassurotini yaxshilash dasturida ixtiyoriy ravishda qatnashishingiz mumkin. Agar qatnashishga qaror qilsangiz, Xizmatimizni yaxshilash uchun qurilmangiz identifikatori yoki ilova identifikatori, qurilma modeli, qurilma brendi, Android tizimi versiyasi, ilova versiyasi, ilovadan foydalanish taassuroti (masalan, koʻrish, bosish va hokazo), mamlakat kodi hamda ilova funksiyasi kutilganidek ishlamaganida va hokazo holatlarda xatolik kodini olamiz. Bunday tahliliy takomillashtirishlar hech qanday shaxs yoki xususiyatlarni aniqlamagan holda maʼlumotlarni olish sifatida amalga oshiriladi. Bu tugmani istalgan payt EasyShare ilovasida Sozlamalar > EasyShare foydalanuvchi taassurotini yaxshilash dasturida qatnashish rukniga kirib faolsizlantirishingiz mumkin. Agar ushbu tugmani faolsizlantirsangiz, qaytadan rozilik berguningizga qadar Xizmatda bunday qayta ishlashni toʻxtatamiz. Shuni unutmangki, ushbu funksiya qurilma modeli, tizim versiyasi yoki mintaqa cheklovlari tufayli faqat ayrim qurilmalarda ishlaydi va mavjudligiga bogʻliq. Agar ushbu funksiyani yoqsangiz yoki foydalansangiz, biz faqat ushbu funksiya tavsifida keltirilgan maʼlumotlarni qayta ishlaymiz.
Biz ushbu Shartlarga rozilik berganingizdan keyin yuqoridagi maqsadlar uchun maʼlumotlarni qayta ishlaymiz. Shuningdek, amaldagi qonunlar tomonidan ruxsat berilganda, Maxfiylik siyosatimizning 2-boʻlimida keltirilganidek, muayyan holatlarda boshqa qonuniy asoslar tatbiq etilishi mumkin. Agar ushbu Xizmatdagi funksiyalarning hammasidan foydalanishni xohlamasangiz, ushbu Shartlarning 4-boʻlimida tavsiflangan usullar orqali roziligingizni bekor qiling.
Xavfsizlik:
Biz shaxsiy maʼlumotlaringizni himoyalash choralarini koʻramiz. Biz shaxsiy maʼlumotlaringizning ruxsatsiz ishlatilishi, buzilishi yoki yoʻqotilishidan himoyalashga qaratilgan tegishli xavfsizlik choralarini koʻrganmiz, jumladan, lekin bular bilan cheklanmagan holda, shifrlash va anonimlashtirish usullaridan foydalanamiz. Biz shaxsiy maʼlumotlaringizni himoyalash uchun barcha choralarni koʻramiz. Agar shaxsiy maʼlumotlaringizning har qanday ishlatilishi, buzilishi yoki yoʻqotilishiga shubha qilsangiz, quyida keltirilgan kontakt maʼlumotlaridan foydalanib bizga zudlik bilan xabar qiling.
2. Xotira
Muddati:
Mobil telefon hisobiga kirish va Foydalanuvchi taassurotini yaxshilash dasturiga tegishli maʼlumotlar faqat maʼlumotlarni qayta ishlash uchun talab qilinadigan muddat mobaynida serverlarimizda saqlanadi. Boshqa maʼlumotlar, ayniqsa, siz uzatish uchun ushbu Xizmatdan foydalanadigan Kontent faqat mahalliy ravishda qurilmangizda qayta ishlanadi va biz tomonimizdan olinmaydi, kirilmaydi yoki serverlarimizga yuklanmaydi. Shuningdek, bularni quyidagi muddatlarda saqlaymiz:
• Maʼlumot subyekti huquqlari, roziliklar va mijozlar bilan oʻzaro aloqalar haqidagi qaydlar – biz bilan oxirgi munosabatingizdan boshlab besh yil;
• Xavfsizlik maqsadida qayta ishlangan zaxira va ilova jurnallari – ular yaratilgan sanadan boshlab maksimal olti oy.
Saqlash muddati tugaganidan keyin shaxsiy maʼlumotlaringizni oʻchirib tashlaymiz yoki anonimlashtiramiz. Amaldagi qonun va qoidalar buning aksini talab qilgan holatlar bundan mustasno.
Saqlash joyi:
Maʼlumotlarni himoyalashning foydalanuvchi mamlakati/mintaqasi bilan bir xil darajada taqdim etish va foydalanuvchilarning soʻrovlariga yanada samarali javob berish uchun maʼlumotlar saqlanadigan joy turli mamlakat/mintaqalardagi foydalanuvchilar uchun farq qiladi. Shaxsiy maʼlumotlaringizning qayerda saqlanishini bilish uchun Maxfiylik siyosatimizdagi Saqlash va xalqaro uzatish boʻlimi bilan tanishing.
3. Ulashish va uzatish
Maʼlumotlarni serverga yuklashda ularni oʻzimiz qayta ishlaymiz yoki bizning nomimizdan faoliyat yuritadigan filial kompaniyalarimiz yoxud xizmat provayder(lar)idan foydalanamiz. Shu bilan birga, biz maʼlumotlaringizni faqat amaldagi qonunlarga muvofiq huquqiy jarayon yoki vakolatli organ soʻroviga javoban talab qilinganda ulashamiz.
Biz xalqaro miqyosda faoliyat yuritishimiz sababli va mahsulotimizdan dunyo boʻylab foydalana olishingiz uchun shaxsiy maʼlumotlaringiz boshqa mamlakatlar/mintaqalardagi firmalarimizga yuborilishi yoki ularga masofadan kirilishi mumkin. Biz maʼlumotlaringiz himoyasini taʼminlash uchun qayerda boʻlishidan qatʼi nazar, shaxsiy maʼlumotlarni mamlakatlararo yuborish qonunlariga amal qilamiz.
4. Huquqlaringiz
Siz bizda saqlanayotgan siz haqingizdagi maʼlumotlarga nisbatan turli huquqlarga egasiz.
Rozilikni bekor qilish:
Siz istalgan payt Rozilikni bekor qilish tugmasini bosish orqali maʼlumotlaringizni qayta ishlashimizga bergan roziligingizni bekor qilishingiz mumkin. Bu tugma Xizmat profilining Maxfiylik > Maxfiylik shartlari ruknida joylashgan. Agar roziligingizni bekor qilsangiz, biz ushbu Shartlarga qaytadan rozilik berguningizga qadar Xizmatdagi maʼlumotlaringizni qayta ishlashni toʻxtatamiz.
Boshqa huquqlar:
Boshqa huquqlaringizdan foydalanish uchun (masalan, maʼlumotlarni himoyalash qonunlariga qarab tuzatish, oʻchirib tashlash, qayta ishlashni cheklash, eʼtiroz bildirish yoki maʼlumotlar shaklini oʻzgartirish) quyida keltirilgan aloqa maʼlumotlaridan foydalaning.
Shikoyat qilish:
Sizda·nazorat organiga shikoyat qilish huquqi mavjud.
5. Biz bilan aloqa
Agar ushbu Shartlar yoki shaxsiy maʼlumotlaringizni qayta ishlashimiz yuzasidan savollaringiz boʻlsa, biror muammo haqida xabar berish yoki Axborot muhofazasi boʻyicha xodimimiz bilan bogʻlanish yoxud maʼlumotlarni himoyalash va maxfiylik qonunlariga doir huquqlaringizdan foydalanishni xohlasangiz, biz bilan bogʻlanish uchun bu yerni bosing. Biz soʻrovingizni har qanday holatda ham maʼlumotlarni himoyalashga doir amaldagi qonunlarda belgilangan muddatda hal qilishga harakat qilamiz.
Mazkur Shartlar vaqti-vaqti bilan yangilab turilishi mumkin. Biz biror muhim oʻzgarishlarni tegishli usul orqali xabar qilamiz. Bu Shartlarda aytilgan barcha amaliy xatti-harakatlar Maxfiylik siyosati muvofiq amalga oshiriladi, unda bizning amaliyotimiz tafsilotlari bilan tanishishingiz ham mumkin.