EasyShare-ren azken erabiltzailearentzako Lizentzia- eta Zerbitzu-kontratua
EasyShare-ren azken erabiltzailearentzako Lizentzia- eta Zerbitzu-kontratu hau (aurrerantzean, "Kontratua") zure eta %1$s enpresaren arteko kontratu bat da, eta EasyShare zerbitzuari (aurrerantzean, "Aplikazioa") eta harekin erlazionatutako teknologia eta funtzioei (aurrerantzean, denak batera, "Zerbitzua") dagokie. Irakurri arretaz eta ulertu erabat Kontratu honetako baldintza eta zehaztapen guztiak; bereziki, %1$s enpresaren erantzukizunak salbuetsi edo mugatzeari, eta erabiltzaileen eskubideak mugatzeari buruzkoak, bai eta letra lodiz dagoen edukia ere. Zerbitzua erabiltzen baduzu (osorik nahiz partzialki), ulertuko da Kontratuko baldintza guztiak onartzen dituzula, eta %1$s enpresarekin kontratu lotesle bat sinatu duzula. Ez baduzu onartzen Kontratu hau, ezingo duzu erabili Zerbitzua.
1.1 Zerbitzua erabiltzean edo Kontratu hau onartzean, adierazten eta bermatzen duzu gaitasun zibil osoa duzula, zure eskualdeko legeen arabera.
1.2. zure eskualdeko legeen arabera adingabea bazara edo gaitasun zibil osoak ez badituzu, ez duzu erabiliko Zerbitzua edo ez duzu onartuko Kontratu hau zure gurasoen edo tutorearen onespenik edo berrespenik gabe.
1.3. Zerbitzua erabili edo Kontratu hau onartuz gero, atal honetako lehen paragrafoan adierazitakoa gordetzen duzula eta zure guraso edo tutorearen onespena lortu duzula ulertuko da.
2.1 Fitxategiak gailu artean transferitzeko aukera ematen dizu Zerbitzu honek. Hauek dira funtzio nagusiak:
2.1.1 Informazio pertsonalaren ezarpenak: Zerbitzua erabiltzean, zeure ezizena eta abatarra ezar ditzakezu.
2.1.2 Klonatu telefonoa: Zerbitzu honen bidez, beste gailu mugikor batekin konektatu, eta datuak bidali eta jaso ditzakezu (hala nola aplikazioak, musika, bideoak, audioa, etab.); horretarako, gailuek aurrez aurre egon behar dute.
2.1.3 Datuen babeskopiak: Zerbitzuaren bidez, ordenagailuarekin konektatu, eta datuen babeskopiak egin ditzakezu (hala nola telefonoko aplikazio, musika-fitxategi eta bideoenak), edo ordenagailuan gordetako babeskopia-datuak telefonoan leheneratu.
2.1.4 Fitxategi-transferentzia: Zerbitzuaren bidez, zure gailuaren eta beste gailu mugikor baten arteko konexio bat ezarri, eta irudiak, musika, bideoak, audioa eta Fitxategi-kudeatzailea aplikazioan atzi daitezkeen beste edozein eduki bidali/jaso ditzakezu (denak batera, "Edukiak"); horretarako, bi gailuek aurrez aurre egon behar dute.
2.2 Beste batzuk
2.2.1 Baliteke Zerbitzu honek onartutako funtzio zehatzak ezberdinak izatea sistemaren bertsioaren eta gailuaren modeloaren arabera; lortu haien eskuragarritasunari buruzko informazioa.
2.2.2 Ulertzen eta onartzen duzu ezen, zerbitzuak modu eraginkorrean eman ahal izateko, Zerbitzu honek zure terminalaren prozesadoreak, banda zabala eta bestelako baliabideak erabiliko dituela. Zerbitzua erabiltzeak dakarren datu-fluxuaren kostua zein den jakiteko, operadoreak aplikatzen dituen tarifak ezagutu behar dituzu; bestalde, zeure kasa ordaindu beharko dituzu gastu horiek.
2.2.3 Erabiltzaile-esperientzia eta zerbitzuko edukiak hobetzeko,%1$s enpresak ahaleginak egingo ditu zerbitzu berriak garatzeko eta aldian-aldian zerbitzua eguneratzeko (baliteke eguneratze horiek modu ezberdinetan ematea; esaterako, produktua ordeztu edo eraldatuta, funtzioak sendotuta, bertsioak berrituta edota edukia doituta). Zerbitzuaren funtzionamendua eta segurtasuna egonkorrak direla ziurtatzeko, %1$s enpresak zerbitzua eguneratu edo doitzeko eskubidea du, aurretiaz abisatu beharrik gabe, eta zerbitzuaren funtzio guztiak nahiz haietako batzuk aldatu edo mugatzekoa.
3.1 Honen bidez, %1$s enpresak Zerbitzua erabiltzeko lizentzia mugatu bat ematen dizu, zeina ez baita esklusiboa, ezin baita besterendu, ezin baita azpilizentziatan banatu eta kendu egin baitaiteke.
3.2. Onartzen duzu %1$s enpresak honen bidez emandako lizentziek ez dutela esan nahi %1$s enpresak edukia, produktua edo zerbitzua saltzen eta/edo transferitzen dizunik (ez osorik, ez partzialki).
3.3 %1$s enpresak ez dizu ematen (ez berariaz, ez inplizituki) inongo eskubide edo interesik hauei dagokienez: copyrighta, marka komertziala, patentea edo beste edonolako jabetza intelektual edo jabetza-eskubide (Kontratu honetako 3.1 atalean Zerbitzua erabiltzeko berariaz ematen zaizun lizentzia kenduta).
3.4 Ez duzu komertzialki erabiliko, aldatuko, desmuntatuko edo deskonpilatuko Zerbitzuarekin erlazionatutako edukirik, ezta harekin alderantzizko ingeniaritza egingo ere.
3.5 Aitortzen eta onartzen duzu Zerbitzuarekin erlazionatutako softwarea eta eduki guztiak (besteak beste, egiturak, iturburu-kodeak eta erlazionatutako software-dokumentuak) %1$s enpresarenak, %1$s enpresaren afiliatuenak edo haien hornitzaileenak direla, sekretu komertzial eta/edo jabetza-intelektual baliotsuak dauzkatela, eta %1$s enpresaren, %1$s enpresaren afiliatuen edo haien hornitzaileen isilpeko informaziotzat joko direla.
3.6. Onartzen duzu indarrean dauden lege guztiak gordez erabiliko duzula Zerbitzua; besteak beste, copyrightari eta bestelako jabetza intelektualei buruzko eskubideen erregelamenduak, eta/edo esportazioak kontrolatzeko erregelamenduak.
4.1 Honen bidez, hitzematen duzu Zerbitzua erabiltzean aplikagarriak diren lege eta erregelamendu guztiak beteko dituzula, eta ez duzula ostatatuko, bistaratuko, kargatuko, eraldatuko, argitaratuko, transmitituko, biltegiratuko, eguneratuko edo partekatuko honelako informaziorik:
4.1.1 beste pertsona batena, zeinaren gainean erabiltzaileak ez baitu eskubiderik;
4.1.2 belzgarria, lizuna, pornografikoa, pedofiliazkoa, besteren pribatutasunarekiko (gorputzaren pribatutasuna barne) inbaditzailea, generoaren zioz iraingarri edo jazarpenezkoa, kalumniazkoa, arraza edo etniaren zioz onartezina; diru-zuriketa edo apustuekin erlazionatua, edo haiek sustatzen dituena; indarrean dauden legeak gordetzen ez dituena, edo haien kontrakoa dena;
4.1.3 haurrentzat kaltegarria;
4.1.4 patenteak, marka komertzialak, copyrighta edo bestelako jabetza-eskubideak urratzen dituena;
4.1.5 unean indarrean dagoen edozein lege urratzen duena;
4.1.6 mezuaren jatorriari buruzko gezurrak esaten dituena, edo erabiltzailea nahasten duena; argiro faltsua edo nahasgarria den baina egitatetzat jo litekeen informazioa nahita ematen duena;
4.1.7 beste pertsona baten identitatea faltsutzen duena;
4.1.8 Indiaren batasuna, osotasuna, defentsa, segurtasuna edo subiranotasuna mehatxatzen duena; beste estatuekiko harreman lagunkoiak mehatxatzen dituena; ordena publikoa mehatxatzen duena; delitu ezagungarriak egitera bultzatzen duena; delituen ikerketa oztopatzen duena; beste estaturen bat iraintzen duena;
4.1.9 birus informatikoak edo baliabide informatikoak eten, suntsitu edo mugatzeko diseinatuta dagoen beste edozein kode informatiko, fitxategi edo programak dituena;
4.1.10 argiro faltsua eta gezurrezkoa dena (edozein eratan idatzita edo argitaratuta dagoela ere), eta dirua irabazteko edo norbaiti kalteak eragiteko pertsonak, entitateak edo agentziak nahasi edo jazartzeko helburua duena;
4.2 Aurreko paragrafoan xedatutakoa gorde ezean,%1$s enpresak hauek egiteko eskubidea izango du: Zerbitzua alde bakarretik amaitu, eduki urratzaileak edo legez kontrako edukiak kendu, eta beharrezko lege-neurriak hartu.
Zure pribatutasuna eta informazio pertsonala garrantzitsuak dira guretzat, eta, horregatik, hura bildu eta prozesatzen dugunean, gure "pribatutasun-gidalerroak" gordeko ditugu. Zerbitzua erabili baino lehen, irakurri arretaz EasyShare-ren Pribatutasun-baldintzak.
6.1 Zerbitzu hau erabilera pertsonalerako baino ez da, eta ez diezu hirugarrenei emango. Ulertzen eta onartzen duzu zeu zarela %1$s enpresak eskainitako zerbitzu, funtzionamendu edo funtzioak legez kanpo edo kontratu hau urratuz erabiltzearen emaitzen erantzule bakarra. Onartzen duzu zeure gain hartzen dituzula Zerbitzua erabiltzearen arrisku guztiak.
6.2 Esandakoari aurka egin gabe, Zerbitzua eta Zerbitzuarekin erlazionatutako informazio, produktu, software, programa eta eduki guztiak (besteak beste, Aplikazioa), "BERE HORRETAN" ematen dira, inolako bermerik gabe. Legeek onartzen duten punturaino, %1$s enpresak ezetsi egiten ditu ordezkaritza eta berme guztiak (inplizituak, esplizituak, erregelamenduzkoak nahiz bestelakoak); besteak beste, hauei dagozkienak: segurtasuna, egonkortasuna, zehaztasuna, merkaturagarritasuna, helburu jakin baterako egokitasuna, eta jabetza eta jabetza intelektualaren ez-urratzea.
6.3 Honen bidez, legeek onartzen duten punturaino, %1$s enpresak ezetsi egiten ditu erantzukizun guztiak, eta zuk modu atzeraezinean, betiko eta baldintzarik gabe askatzen dituzu erantzukizun guztiez %1$s, haren afiliatuak, eta %1$s enpresaren eta haren afiliatuen langile, zuzendari eta exekutiboak, baldin eta Zerbitzuarekin edo harekin erlazionatutako edukiekin erlazionatutako kalteak jasaten badituzu (zeharkakoak, halabeharrezkoak, bereziak edo beste edonolakoak).
6.4. %1$s enpresak ez du erantzukizunik izango Zerbitzua ezin bada eman edo Kontratu honetako betebeharrak ezin badira gorde egoera hauetan:
6.4.1 Ezinbesteko egoeretan, baita lurrikarak, uholdeak, ekaitzak, tsunamiak, epidemiak, gerrak, eraso terroristak, matxinadak, grebak eta gobernu-aginduak tarteko direnean ere (baina ez haietan soilik);
6.4.2 Guk edo hirugarren batek gure izenean softwarea konpondu edo eguneratzen dugunean, edo hardwarea bertsio-berritzen dugunean;
6.4.3 Datuen transmisioa etetean, sare-operadorearekin arazo bat izan delako edo erabiltzailearen sare-konexioan errore bat dagoelako;
6.4.4 Hirugarrenek emandako softwarearen edo zerbitzuek nahiz hirugarrenen ekintzek arazoren bat sortzean;
6.4.5 Lege eta erregelamenduen arabera, %1$s Zerbitzua eten edo amaitzera behartzen duten beste egoera batzuetan (esaterako, %1$s enpresaren negozio-doikuntza).
Kexa, erreklamazio, galdera, iruzkin edo iradokizunik baduzu, joan %1$s enpresaren webgune ofizialera (https://www.%2$s.com) eta jarri %1$s enpresarekin harremanetan bezeroentzako laguntza-zerbitzuaren bidez; bestela, bidali galderak [Laguntza eta oharrak] erabilita, edo jarri %1$s enpresarekin harremanetan honen bidez:
Harremanetarako pertsona: Shailendra Chauhan
Helbide elektronikoa: grievance.officer@%2$s.com
Telefono-zenbakia: %3$s
Lanorduak: Astelehenetik ostiralera, 09:30etatik 18:00etara
8.1 Kontratu hau da zure eta %1$s enpresaren arteko kontratu osoa, eta %1$s enpresarekin aurretiaz sinatu duzun gai honen inguruko beste edozein kontraturi gailentzen zaio.
8.2. Kontratu honetako xedapenen bat legez kanpokoa dela edo indarrean jarri ezin dela joz gero, gainerakoek indarrean jarraituko dute.
8.3. Kontratu honetako edozein xedapen indarrean ez jartzeak ez du esan nahi zuk edo%1$s enpresak duzuen eskubidea bete behar ez izatea.
8.4 %1$s enpresak ematen dizkizun lizentziak hemen berariaz ematen direnak dira. %1$s enpresak beretzat gordetzen ditu berariaz ematen ez dituen eskubide guztiak.
8.5 Kontratu hau urratuz gero,%1$s enpresak eskubidea izango du Kontratu hau alde bakarretik amaitzeko eta zerbitzuak emateari uzteko, kalteengatik inolako erantzukizunik izan gabe. Zalantzarik ez izateko, indarrean jarraitzen duen kontratu honetako xedapen orok indarrean jarraituko du Kontratua amaitzean ere, adostutako baldintzak iraungi arte edo haien izaeragatik amaitu arte.
8.6 %1$s enpresak beretzat gordetzen du kontratu hau aldian-aldian aldatzeko eskubidea. Kontratuko baldintzen azken bertsioa irakurtzeko, joan dagokion orrira. Zerbitzua erabiltzen jarraitzen baduzu, Kontratu honen bertsio aldatua onartu duzula ulertuko da.
8.7 Onartzen duzu zauden tokiko agintariek, probintziakoek, autonomia-erkidegokoek, federaziokoek nahiz herrialdekoek emandako edozein lege, ordenantza, xedapen edo erregelamendu gordeko duzula Zerbitzua erabiltzean.
2021eko ekainean eguneratua