EasyShare-ის საბოლოო მომხმარებლის ლიცენზია და მომსახურების ხელშეკრულება
ეს EasyShare საბოლოო მომხმარებლის ლიცენზია და მომსახურების ხელშეკრულება (შემდგომში მოხსენიებული, როგორც ეს „ხელშეკრულება“) არის შეთანხმება თქვენსა და %1$s-ს შორის EasyShare-ის მომსახურებასთან (შემდგომში „აპი“) და მასთან დაკავშირებულ ტექნოლოგიასა და ფუნქციებთან დაკავშირებით (შემდგომში ერთობლივად წოდებული, როგორც „მომსახურება“).გთხოვთ ყურადღებით წაიკითხოთ და სრულად გაიგოთ წინამდებარე ხელშეკრულების ყველა პირობა, განსაკუთრებით ის, რომელიც ეხება %1$s-ს პასუხისმგებლობისგან გათავისუფლებას ან შეზღუდვას, მომხმარებლის უფლებების შეზღუდვას, აგრეთვე შიგთავსს, რომელიც მონიშნულია მუქი შრიფტით.თქვენ მიერ „მომსახურების“ გამოყენება, მთლიანად ან ნაწილობრივ, ჩაითვლება, როგორც თქვენ მიერ ხელშეკრულების ყველა ამ პირობაზე თანხმობა და ჩაითვლება, როგორც თქვენ მიერ სავალდებულო კონტრაქტის დადება %1$s-სთან. თუ ამ ხელშეკრულებას არ ეთანხმებით, „მომსახურებით“ სარგებლობას ვერ შეძლებთ.
1.1 თქვენ ადასტურებთ და გარანტიას იძლევით, რომ თქვენი რეგიონის კანონების შესაბამისად, სამოქალაქო ქცევის განხორციელების სრულყოფილი უნარი გაქვთ, როცა „მომსახურებას“ იყენებთ ან ამ ხელშეკრულებას ეთანხმებით.
1.2 თუ თქვენი რეგიონის კანონის შესაბამისად, სამოქალაქო ქცევის განხორციელების უფლება არ გაქვთ ან არასრულწლოვანი ხართ, ეს „მომსახურება“ არ უნდა გამოიყენოთ და ხელშეკრულებაზე არ უნდა დათანხმდეთ თქვენი მშობლის ან მეურვის თანხმობისა და დადასტურების გარეშე.
1.3 თქვენ მიერ „მომსახურებით“ სარგებლობა ან წინამდებარე ხელშეკრულებაზე დათანხმება ნიშნავს, რომ ამ თავის პირველ პუნქტში მოცემულ დებულებას აკმაყოფილებთ ან თქვენი მშობლისგან თუ მეურვისგან მიღებული გაქვთ თანხმობა.
2.1 ეს „მომსახურება“ გაძლევთ შესაძლებლობას, გადაიტანოთ ფაილები მოწყობილობებს შორის. ძირითადი ფუნქციებია:
2.1.1 პირადი ინფორმაციის პარამეტრები: „მომსახურების“ გამოყენებისას შეგიძლიათ, დააყენოთ თქვენი საკუთარი მეტსახელი და ავატარი.
2.1.2 ტელეფონის კლონი: თქვენ შეგიძლიათ, გამოიყენოთ ეს მომსახურება სხვა მობილურ მოწყობილობასთან კავშირის დასამყარებლად, რათა ერთმანეთს გაგუზავნოთ ან ერთმანეთისგან მიიღოთ მონაცემები, როგორიცაა აპლიკაციები, მუსიკა, ვიდეო, აუდიო და ა.შ., პირისპირ.
2.1.3 მონაცემთა დამარქაფება: შეგიძლიათ გამოიყენოთ „მომსახურება“ თქვენს კომპიუტერულ მოწყობილობასთან კავშირის დასამყარებლად, ისეთი მონაცემების დასამარქაფებლად, როგორიცაა აპლიკაციები, მუსიკა და ვიდეოები თქვენი ტელეფონიდან თქვენს კომპიუტერში, ან აღადგინოთ კომპიუტერში შენახული დამარქაფების მონაცემები თქვენს ტელეფონში.
2.1.4 ფაილის გადაცემა: თქვენ შეგიძლიათ, დაამყაროთ კავშირი თქვენს მოწყობილობასა და სხვა მობილურ მოწყობილობას შორის, „მომსახურების“ მეშვეობით, რათა გაგზავნოთ/მიიღოთ სურათები, მუსიკა, ვიდეო, აუდიო და ნებისმიერი სხვა შიგთავსი, რომელიც ხელმისაწვდომია „ფაილების მართვაში“ (ერთობლივად, „შინაარსი“) მეორე მხარისთვის/მხარისგან პირისპირ.
2.2 სხვა
2.2.1 ამ „მომსახურებით“ მხარდაჭერილი კონკრეტული ფუნქციები შეიძლება განსხვავდებოდეს სისტემის ვერსიისა და მოწყობილობის მოდელის მიხედვით, გთხოვთ იხილოთ რეალური ხელმისაწვდომობა.
2.2.2 თქვენ გესმით და ეთანხმებით შემდეგს: მომსახურების ეფექტურად მოსაწოდებლად ამ „მომსახურებამ“ შეიძლება გამოიყენოს თქვენი ტერმინალის პროცესორები, ფართოზოლიანი ქსელი და სხვა რესურსები. ამ „მომსახურების“ გამოყენების განმავლობაში მონაცემთა გადაცემის ღირებულების საფასური ოპერატორთან უნდა გაარკვიოთ და დამოუკიდებლად დაფაროთ შესაბამისი ხარჯი.
2.2.3 მომხმარებლის გამოცდილებისა და მომსახურების შიგთავსის გასაუმჯობესებლად, %1$s ეცდება შეიმუშაოს ახალი მომსახურებები და დროდადრო განაახლოს მომსახურება (ეს განახლებები შეიძლება მოიცავდეს ერთ ან ორ ფორმას, როგორიცაა ჩანაცვლება, შესწორება, ფუნქციის გაძლიერება, ახალ ვერსიაზე გადასვლა, შიგთავსის რეგულირება და ა.შ.). მომსახურების უსაფრთხოებისა და ფუნქციის თანმიმდევრულობის უზრუნველსაყოფად, %1$s-ს უფლება აქვს, განაახლოს ან დაარეგულიროს მომსახურება თქვენთვის სპეციალური შეტყობინების გამოგზავნის გარეშე, ან შეცვალოს ან შეზღუდოს მომსახურების რომელიმე ან ყველა ფუნქცია.
3.1 %1$s აქვე განიჭებთ არაექსკლუზიურ, არაგადაცემად, არაქველიცენზირებად, ანულირებად და შეზღუდულ ლიცენზიას „მომსახურებით“ სარგებლობისთვის.
3.2 თქვენ თანახმა ხართ, რომ %1$s-ს მიერ აქ მონიჭებული ლიცენზიები არ იქნება მიჩნეული და განმარტებული, როგორც %1$s-ს მხრიდან რომელიმე შიგთავსის, პროდუქტის ან მომსახურების მოყიდვა და/ან გადმოცემა მთლიანად ან ნაწილობრივ.
3.3 %1$s არც პირდაპირ და არც ირიბად არ განიჭებთ უფლებას ან ინტერესს, რომელიც ეხება საავტორო უფლებას, სავაჭრო ნიშანს, პატენტს ან ნებისმიერ სხვა ინტელექტუალურ საკუთრებას ან საკუთრების უფლებას, გარდა „მომსახურების“ შეზღუდული ლიცენზიისა, რომელიც ამ ხელშეკრულების 3.1 განყოფილებაში მკაფიოდ გაქვთ მონიჭებული.
3.4 აკრძალულია „მომსახურების“ შესაბამისი შიგთავსის კომერციული გამოყენება, შეცვლა, დაშლა, დეკომპილირება ან რევერსიული ინჟინერიით დამუშავება.
3.5 თქვენ ადასტურებთ და ეთანხმებით, რომ ამ „მომსახურებასთან“ დაკავშირებული ყველა პროგრამული უზრუნველყოფა და კონტენტი, მათ შორის სტრუქტურები, საწყისი კოდები და პროგრამული უზრუნველყოფის შესაბამისი დოკუმენტები, წარმოადგენს %1$s-ს, %1$s-ს აფილირებული კომპანიების ან მათი მომწოდებლების საკუთრებას, შეიცავს ღირებულ კომერციულ საიდუმლოებას და/ან ინტელექტუალურ საკუთრებას და მიჩნეული უნდა იქნეს %1$s-ს, %1$s-ს აფილირებული კომპანიების ან მათი მომწოდებლების კონფიდენციალურ ინფორმაციად.
3.6 თქვენ ეთანხმებით, რომ „მომსახურებას“ მხოლოდ ყველა მოქმედი კანონის შესაბამისად გამოიყენებთ, მათ შორის, და არა მარტო, სათანადო საავტორო უფლების დაცვით და ინტელექტუალურ საკუთრებასთან და/ან ექსპორტის კონტროლთან დაკავშირებული სხვა რეგულაციების გათვალისწინებით.
4.1 აქვე დებთ შეთანხმებას,რომ „მომსახურებით“ სარგებლობისას ყველა მოქმედ კანონსა და რეგულაციას დაიცავთ, არ განათავსებთ, ატვირთავთ, შეცვლით, გამოაქვეყნებთ, გადასცემთ, შეინახავთ, განაახლებთ ან გააზიარებთ ინფორმაციას, რომელიც:
4.1.1 სხვა პირს ეკუთვნის და მომხმარებელს მისი გამოყენების უფლება არ აქვს;
4.1.2 არის მადისკრედიტირებელი, უხამსი, პორნოგრაფიული, პედოფილიური, სხვისი პირადი ცხოვრების (მათ შორის, სხეულის ხელშეუხებლობის) დამრღვევი, გენდერის ნიშნით შეურაცხმყოფელი ან შემავიწროებელი, ცილისმწამებლური, რასობრივად ან ეთნიკურად მიუღებელი, ფულის გათეთრებასთან ან აზარტულ თამაშებთან დაკავშირებული ან მათი წამახალისებელი და ასევე, მოქმედ კანონებთან შეუსაბამო ან დაპირისპირებული სხვა მხრივ;
4.1.3 ზიანის მომტანია ბავშვისთვის;
4.1.4 არღვევს პატენტის, სავაჭრო ნიშნის, საავტორო უფლებას ან სხვა მესაკუთრეობრივ უფლებებს;
4.1.5 არღვევს იმ დროისთვის მოქმედ ნებისმიერ კანონს;
4.1.6 ატყუებს ან შეცდომაში შეჰყავს ადრესატი შეტყობინების წარმომავლობასთან დაკავშირებით ან გაცნობიერებულად და მიზანმიმართულად ავრცელებს ინფორმაციას, რომელიც არსებითად ყალბი ან შეცდომაში შემყვანია, მაგრამ ფაქტად შეიძლება იქნეს მიჩნეული;
4.1.7 სხვა პირს განასახიერებს;
4.1.8 საფრთხეს უქმნის ინდოეთის მთლიანობას, ერთიანობას, თავდაცვას, უსაფრთხოებას ან სუვერენიტეტს, მეგობრულ ურთიერთობას სხვა ქვეყნებთან ან საზოგადოებრივ წესრიგს; წარმოადგენს წაქეზებას განსჯადი დანაშაულის ჩადენისკენ, ხელს უშლის რომელიმე დანაშაულის გამოძიებას ან შეურაცხყოფს სხვა ერს;
4.1.9 შეიცავს პროგრამულ ვირუსს ან სხვა სახის კომპიუტერულ კოდს, ფაილს ან პროგრამას, რომელიც შექმნილია რომელიმე კომპიუტერული რესურსის ფუნქციის შესაზღუდად, გასანადგურებლად ან შესაფერხებლად;
4.1.10 შეცნობით ყალბია და არ შეესაბამება სიმართლეს; დაწერილია ან გამოქვეყნებულია იმ მიზნით, რომ შეცდომაში შეიყვანოს ან შეავიწროოს პიროვნება, ორგანიზაცია ან ორგანო ფინანსური სარგებლის მისაღებად ან ზიანი მიაყენოს რომელიმე პიროვნებას;
4.2 თუ თქვენ დაარღვევთ წინა პარაგრაფს, %1$s-ს უფლება ექნება, ცალმხრივად შეწყვიტოს ეს „მომსახურება“, წაშალოს კანონდამრღვევი/უკანონო შიგთავსი და მიიღოს საჭირო სამართლებრივი ზომები.
თქვენი კონფიდენციალურობა და პირადი ინფორმაცია მნიშვნელოვანია. აქედან გამომდინარე, თქვენს ინფორმაციას „კონფიდენციალურობის პოლიტიკის“ მიხედვით შევაგროვებთ და დავამუშავებთ. „მომსახურებით“ სარგებლობამდე, გთხოვთ დეტალურად წაიკითხოთ კონფიდენციალურობის პირობები EasyShare-ისთვის.
6.1 ეს „მომსახურება“ მხოლოდ თქვენი პირადი გამოყენებისთვისაა განკუთვნილი და მესამე მხარეს არ უნდა მიაწოდოთ. თქვენ გესმით და ეთანხმებით, რომ მხოლოდ თქვენ ხართ პასუხისმგებელი %1$s-ს მიერ მოწოდებული ფუნქციებისა თუ მომსახურებების გამოყენების შედეგებზე (რომლებიც არაკანონიერია ან ამ ხელშეკრულებას არღვევს). თქვენ ეთანხმებით, რომ თქვენს თავზე აიღოთ „მომსახურების“ გამოყენების ყველა რისკი.
6.2 ყველაფერი საპირისპიროს მიუხედავად, „მომსახურება“ და „მომსახურებასთან“ დაკავშირებული ყველა ინფორმაცია, პროდუქტი, პროგრამული უზრუნველყოფა, პროგრამა და შიგთავსი, რაც მოიცავს, მაგრამ არ შემოიფარგლება, აპს, მოწოდებულია „როგორც არის“ საფუძველზე, ნებისმიერი ფორმისა თუ სახის გარანტიების გარეშე. %1$s უარყოფს ყველა განცხადებას ან გარანტიას, იქნება ეს აშკარა, ნაგულისხმევი, კანონიერი თუ სხვა, რაც მოიცავს, მაგრამ არ შემოიფარგლება, უსაფრთხოების, სტაბილურობის, სიზუსტის, ვაჭრობის, ვარგისიანობისა და საკუთრების და ინტელექტუალური საკუთრების ხელშეუხებლობის გარანტიებს, კანონით ნებადართული მაქსიმალური მასშტაბით.
6.3 ამგვარად, %1$s აქვე უარს ამბობს პასუხისმგებლობაზე და კანონის მიერ დაშვებულ მაქსიმალურ ფარგლებში %1$s-ს, მის აფილირებულ კომპანიებს, თანამშრომლებს, დირექტორებსა და %1$s-ს ან მისი შვილობილი კომპანიების თანამდებობის პირებს თქვენ შეუქცევადად, სამუდამოდ და უპირობოდ ათავისუფლებთ ვალდებულებებისგან და პასუხისმგებლობას უხსნით ნებისმიერ ირიბ, შემთხვევით, განსაკუთრებულ თუ სხვა სახის დაზიანებაზე ან დანაკარგზე, რომელიც „მომსახურების“ ან მასთან დაკავშირებული შიგთავსის შედეგად ან მიზეზით მოგადგათ.
6.4 %1$s არ იქნება პასუხისმგებელი „მომსახურების“ მოწოდების შეფერხებაზე ან ამ ხელშეკრულებაში მოცემული ვალდებულებების შესრულებაზე, თუ პრობლემის გამომწვევი მიზეზი არის:
6.4.1 ფორსმაჟორი, რომელშიც შეზღუდვის გარეშე შედის მიწისძვრა, წყალდიდობა, ქარიშხალი, ცუნამი, ეპიდემია, ომი, ტერორისტული თავდასხმა, არეულობა, გაფიცვა და მთავრობის განკარგულება;
6.4.2 შეკეთება, პროგრამული უზრუნველყოფის განახლება ან ახალ ვერსიაზე გადასვლა იმ აპარატურისა, რომელსაც ვმართავთ ჩვენ ან ჩვენი თხოვნით მართავს მესამე მხარე;
6.4.3 მონაცემთა გადაცემის შეფერხება, რომელიც გამოწვეულია ქსელის ოპერატორის პრობლემით ან მომხმარებლის მხრიდან ქსელთან კავშირის დამყარების ხარვეზით;
6.4.4 ნებისმიერი პრობლემა, რომელიც გამოწვეულია მესამე მხარეების ქმედებებით ან დაკავშირებულია მესამე მხარეების მიერ მოწოდებულ პროგრამულ უზრუნველყოფასთან თუ მომსახურებებთან;
6.4.5 სხვა სიტუაციები, რომლებშიც %1$s შეწყვეტს ან შეაჩერებს „მომსახურებას“ კანონებისა და რეგულაციების შესაბამისად და ასევე, სხვა დაუძლეველი მიზეზები, როგორიცაა %1$s-ს ბიზნესის ცვლილება.
თუ გაქვთ რაიმე პრეტენზია, საჩივარი, შეკითხვა, კომენტარი ან წინადადება, შეგიძლიათ მიმართოთ %1$s-ს ოფიციალურ ვებსაიტს (https://www.%2$s.com), რათა დაუკავშირდეთ %1$s-ს მომხმარებელზე ზრუნვის ონლაინ განყოფილების საშუალებით, ან გაუგზავნოთ შეკითხვები შემდეგის მეშვეობით: [დახმარება და გამოხმაურება], ან დაუკავშირდით %1$s-ს:
საკონტაქტო პირი: შაილენდრა ჩაუჰანი
ელფოსტა: grievance.officer@%2$s.com
ტელეფონი: %3$s
სამუშაო დრო: ორშაბათი-პარასკევი (9:30-18:00)
8.1 წინამდებარე ხელშეკრულება წარმოადგენს თქვენსა და %1$s-ს შორის დადებულ მთლიან ხელშეკრულებას და ანაცვლებს ხელშეკრულების საგნის თაობაზე თქვენსა და %1$s-ს შორის დადებულ ყველა წინა ხელშეკრულებას.
8.2 თუ ამ ხელშეკრულების რომელიმე დებულება ბათილი ან განუხორციელებელი იქნება, დანარჩენი ნაწილი ძალას არ დაკარგავს და მოქმედებას გააგრძელებს.
8.3 ამ ხელშეკრულების არცერთი უმოქმედო დებულება არ წარმოადგენს %1$s-ს ან თქვენ მიერ უფლებაზე უარის თქმას.
8.4 თქვენზე გაცემული ლიცენზიები %1$s უნდა შემოიფარგლოს მხოლოდ იმ ლიცენზიებით, რომლებიც მკაფიოდ მოცემულია წინამდებარე დოკუმენტში. %1$s იტოვებს ყველა უფლებას, რომელიც მკაფიოდ არ გაქვთ მონიჭებული.
8.5 თუ ამ ხელშეკრულებას დაარღვევთ, %1$s-ს ექნება უფლება ცალმხრივად შეწყვიტოს ხელშეკრულება და არ მოგაწოდოთ შესაბამისი მომსახურებები ზარალზე ყოველგვარი პასუხისმგებლობის აღების გარეშე. ორაზროვნების თავიდან ასაცილებლად ამ ხელშეკრულების ნებისმიერი დებულება, რომელიც პირდაპირ ჩამოყალიბებულია ან განკუთვნილია იმისთვის, რომ მოქმედება გააგრძელოს, ძალაში დარჩება ხელშეკრულების შეწყვეტის შემდეგაც, შეთანხმებული პირობების ვადის ამოწურვამდე ან ბუნებრივ შეწყვეტამდე.
8.6 %1$s იტოვებს უფლებას, დროდადრო შეცვალოს წინამდებარე ხელშეკრულება. ხელშეკრულების პირობების ბოლო ვერსიის შემოწმება შეგიძლიათ შესაბამის გვერდზე. თქვენ მიერ „მომსახურებით“ სარგებლობის გაგრძელება აღიქმება, როგორც თანხმობა ამ ხელშეკრულების შეცვლილ ვერსიაზე.
8.7 ეთანხმებით, რომ დაემორჩილებით კანონებს, ბრძანებულებებს, დადგენილებებსა და სხვა რეგულაციებს, რომლებსაც გამოსცემს ადგილობრივი თვითმმართველობის ორგანო, შტატი, ავტონომიური რეგიონი, ფედერაცია და ქვეყანა, სადაც „მომსახურების“ გამოყენების დროს იმყოფებით.
განახლდა 2021 წლის ივნისში