EasyShare Məxfilik Şərtləri

Son yenilənmə: 25 mart  2023-cü il

%3$s (bundan sonra "biz" və ya "bizə" adlandırılacaq) EasyShare-in ("Xidmət") təminatçısı və Xidmətlə bağlı işlənilmiş şəxsi məlumatlara cavabdeh olan təşkilatdır. Məxfiliyinizin qeydinə qalırıq və şəxsi məlumatlarınızı niyə və necə işlədiyimizi bilmənizi vacib hesab edirik. EasyShare Məxfilik Şərtlərində ("Şərtlər") aşağıdakı məzmunu əhatə edirik:

1.     Toplama və İşlənmə: hansı məlumatları toplayacağıq və onları necə istifadə edəcəyik;

2.     Saxlama: məlumatlarınızı necə saxlayacağıq;

3.     Paylaşma və ötürmə: məlumatlarınızı necə paylaşırıq və ya ötürürük;

4.     Hüquqlarınız: məlumatlarınızın işlənilməsi ilə bağlı hüquq və seçimləriniz;

5.     Bizimlə əlaqə: hər hansı növbəti suallarla bağlı bizimlə necə əlaqə saxlamaq olar.

Bu Şərtləri diqqətlə oxuyun, razılaşmamışdan və Xidmətdən istifadə etməyə başlamazdan əvvəl şəxsi məlumatlarınızla bağlı təcrübələrimizi başa düşdüyünüzdən əmin olun. Xidmətlə əlaqədar məlumatlarınızın emalına razılıq vermək məcburiyyətində deyilsiniz, lakin aşağıdakıları unutmayın: BU İSTİFADƏ ŞƏRTLƏRİ İLƏ RAZILAŞMASANIZ VƏ YA RAZILIĞINIZI GERİ GÖTÜRSƏNİZ, XİDMƏTDƏN İSTİFADƏ EDƏ BİLMƏYƏCƏKSİNİZ.

1.  Toplama və işlənmə

Məlumatlar və məqsədlər

•   EasyShare SMS, kontaktlar, təqvim, təsvirlər, video, audio, musiqi, tətbiqlər, parametrlər, zəng yazıları, qeydlər, fayllar və ya cihazınızda saxlanılan digər məzmunları (ümumilikdə "Məzmunlar" adlandırılır) bir toxunuşla cihazı dəyişdirmək və ehtiyat nüsxəni bərpa etmək kimi əsas funksiyalar üçün cihazınızda alqoritmlə işləyir. Nəzərinizə çatdıraq ki, bu cür şəxsi məlumatlar yalnız sizin cihazınızda yerli şəkildə işləniləcək və biz onları toplamayacaq, daxil olmayacaq və ya serverlərimizə yükləməyəcəyik.

•   Mobil telefon hesabı funksiyasının mövcud olduğu ölkələrdə/regionlarda, cihaza daxil olmusunuzsa, hesab məlumatının göstərilməsi məqsədilə EasyShare mobil telefon hesabı məlumatlarınızı işləyir.

•   EasyShare İstifadəçi Təcrübəsini Təkmilləşdirmə Planı: Siz EasyShare İstifadəçi Təcrübəsini Təkmilləşdirmə Planında könüllü olaraq iştirak etməyi seçə bilərsiniz. Qoşulmağı seçsəniz, Xidmətimizi təkmilləşdirmək məqsədilə biz cihazınızın və ya tətbiqinizin identifikatoru, cihaz modeli, cihaz markası, Android sistem versiyası, tətbiq versiyası, tətbiqdəki istifadə davranışını (məsələn, gözdən keçirmə, klikləmə və s.), ölkə kodu və tətbiq funksiyası düzgün işləmədikdə səhv kodunu və s. toplayacağıq. Bu cür analitik təkmilləşdirmələr heç bir şəxsi məlumatları və ya xüsusiyyətləri müəyyən etmədən məlumatların toplanması kimi həyata keçiriləcək. Siz istənilən vaxt EasyShare tətbiqi daxilində Parametrlər > EasyShare İstifadəçi Təcrübəsini Təkmilləşdirmə Planına qoşul seçiminə keçməklə düyməni söndürməyi seçə bilərsiniz. Bu düyməni söndürsəniz, siz yenidən razılaşmayana qədər Xidmətdə belə işlənilməni dayandıracağıq. Qeyd edək ki, bu funksiya yalnız bəzi müəyyən cihazlarda cihaz modeli, sistem versiyası və ya bölgə məhdudiyyətlərinə görə, faktiki əlçatanlıqdan asılı olaraq mövcud ola bilər. Bu funksiyanı aktivləşdirsəniz və ya istifadə etsəniz, biz yalnız bu funksiya təsviri əsasında məlumatları işləyəcəyik.

Siz bu Şərtləri qəbul etdikdən sonra məlumatları yuxarıdakı məqsədlər üçün işləyirik. Qüvvədə olan qanunvericiliklə icazə verildiyi halda, Məxfilik Siyasətinin 2-ci Bölməsində qeyd edildiyi kimi, müəyyən hallarda digər hüquqi əsaslar tətbiq oluna bilər. Xidmətin bütün funksiyalarını istifadə etmək istəmirsinizsə, lütfən, Şərtlərin 4-cü Bölməsində təsvir olunan üsullarla razılığınızı geri götürün.

Təhlükəsizlik:

Şəxsi məlumatlarınızın qorunmasına diqqət edirik. Şəxsi məlumatlarınızı icazəsiz istifadədən, zədələnmədən və ya itirilmədən qorumaq üçün nəzərdə tutulmuş şifrələmə və anonimləşdirmə üsulları da daxil olmaqla, lakin bununla məhdudlaşmadan müvafiq təhlükəsizlik tədbirləri gördük. Şəxsi məlumatlarınızı qorumaq üçün əlimizdən gələni edəcəyik. Şəxsi məlumatlarınızın icazəsiz istifadəsindən, zədələnməsindən və ya itirilməsindən şübhələnirsinizsə, aşağıda göstərilən əlaqə məlumatlarını istifadə etməklə, dərhal bizə məlumat verin.

2.  Saxlama

Müddət:

Mobil telefon hesabına giriş və İstifadəçi Təcrübəsini Təkmilləşdirmə Planı ilə bağlı məlumatlar yalnız məlumatların işlənilməsi üçün lazım olan müddət ərzində serverlərimizdə saxlanılacaq. Digər məlumatlar, xüsusən də ötürmək üçün Xidmətdən istifadə etdiyiniz Məzmunlar üçün o, yalnız cihazınızda lokal şəkildə işləniləcək və toplanmayacaq, tərəfimizdən əldə edilməyəcək və ya serverlərimizə yüklənməyəcək. Bu arada biz aşağıdakıları saxlayacağıq:

•   Bizimlə son qarşılıqlı əlaqənizdən sonra beş il ərzində məlumat subyektinin hüquqlarının, razılıqların və müştəri ilə qarşılıqlı əlaqə qeydlərinin aparılması ilə bağlı şəxsi məlumatlar;

•   Yaradıldığı tarixdən etibarən altı aydan çox olmayan müddətə təhlükəsizlik məqsədi ilə işlənilən ehtiyat nüsxələr və tətbiq qeydləri.

Saxlanma müddəti başa çatdıqdan sonra müvafiq qanunlar və qaydalarda başqa hal nəzərdə tutulmayıbsa, şəxsi məlumatlarınızı siləcək və ya anonimləşdirəcəyik.

Məkan:

İstifadəçinin ölkəsi/bölgəsi ilə eyni səviyyədə verilənlərin mühafizəsini təmin etmək və istifadəçilərin istəklərinə daha səmərəli cavab vermək üçün məlumatların saxlandığı yer fərqli ölkələr/bölgələrdəki istifadəçilər üçün dəyişir. Şəxsi məlumatlarınızın harada saxlanıldığına baxmaq üçün Məxfilik Siyasətimizdə Məlumatların saxlanılması və beynəlxalq miqyasda ötürülməsi bölməsinə istinad edin.

3.  Paylaşma və ötürmə

Məlumatların serverə yüklənilməsi ilə əlaqədar olaraq, məlumatlarınızı özümüz və ya adımızdan fəaliyyət göstərən əlaqədar şirkətlərimiz və ya xidmət provayderimiz(lər)in köməyi ilə işləyəcəyik. Bundan başqa, biz məlumatlarınızı yalnız qanuni prosesə və ya müvafiq qanunvericiliyə uyğun olaraq səlahiyyətli orqandan sorğuya cavab olaraq tələb olunduqda paylaşacağıq.

Biz beynəlxalq səviyyədə fəaliyyət göstərdiyimizə görə və məhsulumuzdan bütün dünyada istifadəni mümkün etmək üçün şəxsi məlumatlarınız digər ölkələrdə/bölgələrdə yerləşən qurumlara ötürülə bilər və ya onlar uzaqdan bu məlumatlara daxil ola bilərlər. Məlumatlarınızın harada olmasından asılı olmayaraq, onların mühafizə olunmasını təmin etmək üçün biz ölkələr arasında şəxsi məlumatların ötürülməsinə dair qanunlara əməl edirik.

4.  Hüquqlarınız

Haqqınızda saxladığımız məlumatlar ilə bağlı müxtəlif hüquqlarınız var.

Razılığın geri götürülməsi:

Siz Xidmət Profilində Parametrlər > Məxfilik > Məxfilik şərtləri bölməsinin aşağısında verilən Razılığı geri götür düyməsinə toxunmaqla, məlumatlarınızı işləməklə bağlı istənilən vaxt razılığınızı geri götürməyi seçə bilərsiniz. Razılığınızı geri götürsəniz, bu Şərtləri yenidən qəbul etməyənə qədər Xidmətdə məlumatlarınızın işlənilməsini dayandıracağıq.

Digər hüquqlar:

Digər hüquqlarınızı həyata keçirmək üçün (məsələn, mövcud verilənlərin mühafizəsi qanunlarından asılı olaraq düzəliş, silmə, işlənmənin məhdudlaşdırılması, etiraz və ya məlumatların daşınması kimi) aşağıda göstərilən əlaqə məlumatlarından istifadə edin.

Şikayət:

Sizin nəzarət orqanına şikayət etmək hüququnuz var.

5.  Bizimlə əlaqə

Bu Şərtlər və ya şəxsi məlumatlarınızı işləməyimizlə bağlı hər hansı bir sualınız varsa, problem barədə məlumat verməlisinizsə və ya Verilənlərin Mühafizəsi üzrə Əməkdaşımızla əlaqə saxlamalısınızsa, yaxud verilənlərin mühafizəsi və məxfilik qanunları çərçivəsində hüquqlarınızdan birini istifadə etmək istəyirsinizsə, bizimlə əlaqə saxlamaq üçün buraya toxunun. Sorğunuzu heç bir gecikmə olmadan və istənilən halda mövcud verilənlərin mühafizəsi qanunlarında nəzərdə tutulmuş hər hansı vaxt limitləri ərzində həll etməyə çalışacağıq.

Bu Şərtlər zaman keçdikcə yenilənə bilər. Hər hansı mühüm dəyişiklik haqqında sizi müvafiq üsulla xəbərdar edəcəyik. Bu Şərtlərdə qeyd olunan bütün təcrübələr Məxfilik Siyasətimizə uyğun olaraq həyata keçiriləcək, siz həm də buradan təcrübələrimiz haqqında daha çox məlumat tapa bilərsiniz.