អាជ្ញាប័ណ្ណ​អ្នកប្រើចុងក្រោយ និងកិច្ចព្រមព្រៀង​សេវាកម្ម​ EasyShare

  អាជ្ញាប័ណ្ណអ្នកប្រើចុងក្រោយ និងកិច្ចព្រមព្រៀងសេវាកម្ម EasyShare (ចាប់ពីពេលនេះតទៅហៅកាត់ថា “កិច្ចព្រមព្រៀង” នេះ) គឺជាកិច្ចព្រម ព្រៀងរវាងអ្នក និង %1$s ទាក់ទងនឹងសេវាកម្មរបស់ EasyShare (ចាប់​ពី​ពេលនេះតទៅហៅកាត់ថា “កម្មវិធី”) និងបច្ចេកវិទ្យា និង​មុខងារដែល​ទាក់ទង (ចាប់ពីពេលនេះតទៅហៅជារួមថា “សេវាកម្ម”)។ សូមអាន​ដោយយក​ចិត្តទុកដាក់ និងយល់ច្បាស់នូវរាល់លក្ខខណ្ឌនៃកិច្ចព្រម​ព្រៀង​នេះ ជាពិសេសលក្ខខណ្ឌទាក់ទងនឹងការលើកលែង ឬដែនកំណត់នៃការ​ទទួលខុសត្រូវរបស់ %1$s ដែនកំណត់នៃសិទ្ធិអ្នកប្រើ ក៏ដូចជាមាតិកាដែល​គូស​សម្គាល់ជាអក្សរដិត។ ការប្រើប្រាស់របស់អ្នកលើសេវាកម្មនេះ ទាំងមូល ឬដោយផ្នែកក្តី នឹងត្រូវបានចាត់ទុកថាជាការព្រមទទួលយក​របស់​អ្នកនូវរាល់លក្ខខណ្ឌ​ទាំងនេះនៃកិច្ចព្រមព្រៀង ហើយនឹងត្រូវ​បាន​ចាត់ទុកថា អ្នកបាន​ចុះកិច្ច​សន្យាជាផ្លូវការជាមួយ %1$s។ ប្រសិនបើ​អ្នក​មិន​យល់ព្រម​តាមកិច្ចព្រមព្រៀងនេះទេ អ្នកនឹងមិនអាច​ប្រើ​ប្រាស់​សេវាកម្ម​នេះបានឡើយ។

1 សមត្ថភាពសម្រាប់​ការប្រព្រឹត្តខ្លួនជាពលរដ្ឋ​

  1.1 អ្នកអះអាង និងធានាថា អ្នកមានសមត្ថភាពពេញលេញសម្រាប់​ការ​ប្រព្រឹត្តខ្លួនជាពលរដ្ឋស្របតាមច្បាប់ក្នុងតំបន់របស់អ្នកនៅពេលអ្នកប្រើប្រាស់សេវាកម្ម ឬយល់ព្រមតាមកិច្ចព្រមព្រៀងនេះ។

  1.2 អ្នកមិនត្រូវប្រើប្រាស់សេវាកម្ម ឬទទួលយកកិច្ចព្រមព្រៀងនេះ​ដោយ​គ្មានការយល់ព្រម ឬការបញ្ជាក់ដោយឳពុកម្តាយ ឬអាណាព្យាបាលរបស់​អ្នកឡើយក្នុងករណីដែលអ្នកគឺជាអនីតិជន ឬអ្នកមិនមានសមត្ថភាព​ពេញលេញសម្រាប់ការប្រព្រឹត្តខ្លួនជាពលរដ្ឋស្របទៅតាមច្បាប់នៃតំបន់របស់អ្នក។

  1.3 ការប្រើប្រាស់សេវាកម្ម ឬការទទួលយកកិច្ចព្រមព្រៀងនេះរបស់អ្នក​នឹងត្រូវបានចាត់ទុកថាអ្នកបំពេញបានគ្រប់តាមបទប្បញ្ញត្តិនៅក្នុងកថាខ័ណ្ឌទីមួយនៃផ្នែកនេះ ឬអ្នកទទួលបានការយល់ព្រមពីឳពុកម្តាយ ឬអា​ណា​ព្យាបាលរបស់អ្នក។

2 សេវាកម្ម

  2.1 សេវាកម្មនេះ​ផ្ដល់ជូនអ្នក​នូវសមត្ថភាព​ផ្ទេរ​ឯកសារ​រវាង​ឧបករណ៍​នានា។ មុខងារ​សំខាន់ៗមានដូចតទៅ៖

    2.1.1 ការកំណត់​ព័ត៌មាន​ផ្ទាល់ខ្លួន៖ អ្នកអាច​កំណត់ឈ្មោះហៅក្រៅ និងអវតាររបស់អ្នក​ផ្ទាល់បាន​នៅពេល​​ប្រើ​សេវា​កម្ម​នេះ។

    2.1.2 ក្លូនទូរសព្ទ៖ អ្នកអាច​ប្រើ​សេវាកម្មនេះ ដើម្បី​បង្កើតការតភ្ជាប់​ជាមួយឧបករណ៍​ចល័ត​មួយទៀត ដើម្បីផ្ញើ ឬទទួល​ទិន្នន័យ​ដូចជា កម្មវិធី តន្ត្រី វីដេអូ​ សំឡេង​ជាដើមទៅ និងពីគ្នាទល់មុខគ្នាបាន។

    2.1.3 ការបម្រុងទុកទិន្នន័យ​៖ អ្នកអាច​ប្រើ​សេវាកម្មនេះ ដើម្បី​បង្កើតការតភ្ជាប់​ជាមួយឧបករណ៍កុំ​ព្យូទ័ររបស់អ្នក ដើម្បីបម្រុងទុកទិន្នន័យ​ដូចជា កម្មវិធី តន្ត្រី និងវីដេអូ​ពី​ទូរសព្ទរបស់អ្នក​ទៅកុំព្យូទ័ររបស់អ្នក​ ឬស្ដារ​ឡើងវិញនូវ​ទិន្នន័យ​បម្រុងទុក​ដែល​បានរក្សាទុក​នៅលើកុំព្យូទ័ររបស់អ្នកទៅទូរសព្ទរបស់អ្នក។

    2.1.4 ការ​ផ្ទេរ​ឯកសារ៖ អ្នកអាច​បង្កើត​ការតភ្ជាប់រវាងឧបករណ៍របស់អ្នក និង​ឧបករណ៍​ចល័ត​មួយ​ទៀតតាមរយៈសេវាកម្មនេះ ដើម្បីផ្ញើ/ទទួល​រូបភាព តន្ត្រី វីដេអូ សំឡេង និងមាតិកា​ផ្សេងទៀតណាមួយ​ដែល​អាច​ចូលប្រើបាន​នៅក្នុង​ការ​គ្រប់គ្រងឯកសារ (ហៅជារួមថា "មាតិកា") ទៅ/ពីភាគីម្ខាងទៀត​ទល់​មុខគ្នាបាន។

  2.2 ផ្សេងទៀត

    2.2.1 មុខងារជាក់លាក់​ដែល​គាំទ្រដោយសេវាកម្មនេះ​អាច​ប្រែ​ប្រួល​អាស្រ័យ​លើ​កំណែប្រព័ន្ធ និងម៉ូដែល​របស់​ឧបករណ៍ សូម​យោងទៅកាន់​ភាពអាចប្រើប្រាស់បានជាក់ស្ដែង។

    2.2.2 អ្នកយល់ និងយល់ព្រម៖ ដើម្បីផ្តល់ជូនអ្នកនូវសេវាកម្មប្រកបដោយ​ប្រសិទ្ធ​ភាព សេវាកម្មនេះអាចទាញយកអត្ថប្រយោជន៍ពីអ្នកដំណើរការ​ម៉ាស៊ីន ប្រ៊ដបែន និងធនធានផ្សេងទៀត។ ចំពោះការចំណាយនៃលំហូរទិន្នន័យដែលអាចកើតឡើងក្នុងអំឡុងពេលប្រើប្រាស់សេវាកម្មនេះ អ្នកត្រូវដឹងពីថ្លៃសេវាដែលពាក់ព័ន្ធពីប្រតិបត្តិករ ហើយ​ទទួលខុសត្រូវលើការចំណាយដែលពាក់ព័ន្ធដោយខ្លួនឯង។

    2.2.3 ដើម្បីធ្វើឱ្យបទពិសោធន៍អ្នកប្រើ និងមាតិកាសេវាកម្មកាន់តែល្អ​ប្រសើរ​​ឡើង %1$s នឹងខិតខំប្រឹងប្រែងអភិវឌ្ឍសេវាកម្មថ្មីៗ និង​ផ្តល់​សេវា​កម្ម​បច្ចុប្បន្នភាពពីពេលមួយទៅពេលមួយ (បច្ចុប្បន្ន​ភាព​ទាំងនេះអាច​នឹងប្រើទម្រង់មួយ ឬច្រើនដូចជាការជំនួស ការកែប្រែ ការពង្រឹងមុខងារ ការដំឡើងជំនាន់កំណែ ការកែសម្រួលមាតិកា និងអ្វីៗ​ផ្សេងទៀត)។ ដើម្បីធានាបាននូវភាពស្ថិតស្ថិរនៃសុវត្ថិភាព និងមុខងារនៃសេវាកម្មនេះ ក្រុមហ៊ុន %1$s មានសិទ្ធិក្នុងការធ្វើបច្ចុប្បន្នភាព ឬកែសម្រួលសេវាកម្ម​ដោយ​​មិនចាំបាច់ផ្តល់ឱ្យអ្នកនូវសេចក្តីជូនដំណឹងពិសេស ឬផ្លាស់ប្តូរ ឬ​កំណត់​មុខងារទាំងអស់ ឬផ្នែកណាមួយនៃសេវាកម្មនេះ។

3 អាជ្ញាប័ណ្ណ និងសិទ្ធិកម្មសិទ្ធិករ

  3.1 %1$s តាមរយៈនេះផ្តល់ជូនអ្នកនូវអាជ្ញាប័ណ្ណដែលមិនផ្តាច់មុខ ដែល​មិនអាចផ្ទេរបាន មិនអាចផ្តល់អាជ្ញាប័ណ្ណបន្តបាន ដែលអាចកែប្រែវិញ​បាន និងដែលមានកម្រិតកំណត់ ដើម្បីប្រើប្រាស់សេវាកម្មនេះ។

  3.2 អ្នកយល់ព្រមថា​អាជ្ញាប័ណ្ណដែល %1$s ផ្តល់ជូនអ្នក​តាម​រយៈនេះនឹង​មិន​​ត្រូវបាន​ចាត់ទុកថា​ ឬមិនត្រូវបានបក​ស្រាយ​​ថា​មាន​ន័យ​ជាការលក់​ និង/ឬការ​ផ្ទេរ​ណាមួយ​នៃ​មាតិកា ផលិតផល ឬសេវាកម្មណាមួយឡើយ ទោះទាំង​មូល​ក្តី ឬដោយផ្នែក​​ក្តីទៅឲ្យអ្នកដោយ %1$s ឡើយ។​

  3.3 %1$s មិនផ្តល់ជូនអ្នកដោយច្បាស់លាស់ ឬដោយតុណ្ហីភាពនូវសិទ្ធិ ឬ​ផលប្រយោជន៍ណាមួយនៃសិទ្ធិអ្នកនិពន្ធ ពាណិជ្ជសញ្ញា ប្រកាសនីយប័ត្រ ឬកម្មសិទ្ធិបញ្ញា ឬសិទ្ធិកម្មសិទ្ធិករដទៃទៀតណាមួយឡើយ លើកលែង​តែ​អាជ្ញាប័ណ្ណដែលមានកម្រិតកំណត់ទៅលើសេវាកម្មដែលត្រូវបានផ្តល់ជូនដោយច្បាស់លាស់ទៅអ្នកនៅក្នុងផ្នែក 3.1 នៃកិច្ចព្រមព្រៀងនេះ។

  3.4 អ្នកមិនត្រូវធ្វើការប្រើប្រាស់ក្នុងគោលបំណងពាណិជ្ជកម្ម កែប្រែ រុះរើ ដោះរើ ឬកែច្នៃខ្លឹមសារពាក់ព័ន្ធណាមួយនៃសេវាកម្មនេះឡើយ។

  3.5 អ្នកទទួលស្គាល់ និងយល់ព្រមថា សូហ្វវែរ និងមាតិកាទាំង​អស់ដែល​ទា​ក់ទងនឹងសេវាកម្មនេះ រួមមាន ប៉ុន្តែមិនកំណត់ត្រឹមតែរចនាសម្ព័ន្ធ កូដ​ប្រភព និងឯកសារដែលទាក់ទងនៃសូហ្វវែរ គឺជាទ្រព្យសម្បត្តិរបស់ %1$s ក្រុមហ៊ុនបុត្រសម្ព័ន្ធរបស់ %1$s ឬអ្នកផ្គង់​ផ្គង់​របស់ពួក​គេ មាន​ផ្ទុកនូវ​កិច្ច​ការសម្ងាត់ជំនួញ និង/ឬកម្មសិទ្ធិបញ្ញាដ៏មានតម្លៃ ហើយនឹង​ត្រូវបាន​ចាត់​ទុកថាជាព័ត៌មានសម្ងាត់របស់ %1$s នៃក្រុមហ៊ុនបុត្រសម្ព័ន្ធរបស់ %1$s ឬ​អ្នក​ផ្គត់ផ្គង់របស់ពួកគេ។

  3.6 អ្នកយល់ព្រមប្រើប្រាស់សេវាកម្មនេះតែក្នុងលក្ខណៈ​ស្របទៅនឹងច្បាប់​ដែលចូលជាធរមានទាំងអស់ រាប់បញ្ចូលទាំង ប៉ុន្តែមិនកំណត់ត្រឹមតែការ​អនុ​លោមតាមសិទ្ធិអ្នកនិពន្ធដែលពាក់ព័ន្ធ និងបទបញ្ញត្តិស្តីពីសិទ្ធិកម្ម​​សិទ្ធិបញ្ញាផ្សេងទៀត និង/ឬបទបញ្ញត្តិស្តីពីការត្រួតពិនិត្យការនាំ​ចេញ​ប៉ុណ្ណោះ​ឡើយ។

4 សកម្មភាពរបស់អ្នកប្រើ

  4.1 អ្នកសូមព្រមព្រៀងថាក្នុងការប្រើប្រាស់មុខងារ អ្នកនឹងគោរព​តាមច្បាប់និងបទបញ្ញត្តិចូលជាធរមានទាំងអស់ហើយនឹងមិនបង្ហោះ បង្ហាញ ផ្ទុកឡើង កែសម្រួល បោះពុម្ពផ្សាយ ចែកចាយ បញ្ជូន រក្សាទុក ធ្វើបច្ចុប្បន្នភាព ឬចែកចាយព័ត៌មានណាមួយដែល៖

    4.1.1 ជាកម្មសិទ្ធិរបស់បុគ្គលម្នាក់ទៀត ហើយអ្នកប្រើប្រាស់មិនមានសិទ្ធិ​ណា​មួយឡើយ

    4.1.2 គឺជាអំពើបង្ខូចកេរ្តិ៍ អសុរោះ អាសអាភាស អនាចារលើកុមារ រំលោភ​ឯកជនភាពរបស់អ្នកដទៃ រួមទាំងភាពឯកជនភាពខាងរាងកាយ ការ​ជេរ​ប្រមាថ ឬការបៀតបៀនដោយផ្អែកលើយេនឌ័រ ការបរិហារកេរ្តិ៍ ការប្រ​ឆាំង​ជាតិសាសន៍ ឬជនជាតិភាគតិច ដែលទាក់ទង ឬលើកទឹកចិត្ត​ការ​លាងលុយកខ្វក់ ឬលេងល្បែងស៊ីសង ឬផ្ទុយ ឬប្រឆាំងនឹងច្បាប់ជាធរមាន

    4.1.3 មានគ្រោះថ្នាក់ដល់កុមារ

    4.1.4 រំលោភលើប្រកាសនីយប័ត្រ ពាណិជ្ជសញ្ញា សិទ្ធិអ្នកនិពន្ធ ឬសិទ្ធិកម្ម​សិទ្ធិករផ្សេងទៀត

    4.1.5 ល្មើសនឹងច្បាប់ណាមួយក្នុងរយៈពេលដែលចូលជាធរមាន

    4.1.6 បញ្ឆោត ឬបំភាន់អ្នកទទួលអំពីប្រភពដើមនៃសារ ឬមានចេតនា​ផ្សព្វផ្សាយនូវព័ត៌មានណាមួយដែលក្លែងបន្លំ ឬធ្វើឲ្យភាន់ច្រឡំ ប៉ុន្តែអាច​ត្រូវ​បានគេយល់ថាជាការពិត

    4.1.7 ក្លែងបន្លំជាបុគ្គលម្នាក់ផ្សេងទៀត

    4.1.8 គំរាមកំហែងដល់សាមគ្គីភាព សុចរិតភាព ការការពារ សន្តិសុខ ឬអធិបតេយ្យភាពនៃប្រទេសឥណ្ឌា ទំនាក់ទំនងមិត្តភាពជាមួយរដ្ឋ​បរទេ​ស ឬសណ្តាប់ធ្នាប់សាធារណៈ ឬបង្កឱ្យមានការញុះញង់ឲ្យប្រព្រឹត្តបទ​ល្មើស​ដែលអាចដឹងបាន ឬរារាំងការស៊ើបអង្កេតបទល្មើសណាមួយ ឬជេរប្រមាថ​ដល់ប្រជាជាតិផ្សេងទៀត

    4.1.9 ផ្ទុកវីរុសសូហ្វវែរ ឬកូដកុំព្យួទ័រ ឯកសារ ឬកម្មវិធីផ្សេងទៀត​ដែលត្រូវ​បានបង្កើតឡើង ដើម្បីរំខាន បំផ្លាញ ឬដាក់កំណត់មុខងារនៃធន​ធាន​កុំព្យូទ័រ

    4.1.10 គឺជាព័ត៌មានក្លែងក្លាយ និងមិនពិត ហើយត្រូវបានសរសេរ ឬបោះ​ពុម្ពផ្សាយក្នុងរូបភាពណាមួយដោយមានបំណងធ្វើឲ្យភាន់ច្រឡំ ឬរំខាន​ដល់​បុគ្គល អង្គភាពឬទីភ្នាក់ងារ ដើម្បីទទួលបានហិរញ្ញវត្ថុ ឬបង្កស្នាម​របួសដល់បុគ្គលណាមួយ

  4.2 ប្រសិនបើអ្នកបំពានកថាខណ្ឌមុន %1$s នឹងមានសិទ្ធិ​បញ្ឈ​ប់​​សេវា​កម្មជាឯកតោភាគី ដកមាតិកាដែលរំលោភ/មាតិកាខុសច្បាប់ និង​ចាត់​វិធានការចាំបាច់តាមផ្លូវច្បាប់។

5 ការការពារព័ត៌មាន​ផ្ទាល់ខ្លួន

  យើងផ្ដោតសំខាន់ចំពោះឯកជនភាព និង​ព័ត៌មាន​ផ្ទាល់ខ្លួនរបស់អ្នក​ ដូច្នេះ​ការប្រមូល និង​ការដំណើរការ​របស់​យើងទៅលើព័ត៌មាន​របស់អ្នក​នឹង​ស្របទៅ​តាម “គោល​ការណ៍ឯកជនភាព” របស់យើង។ មុនពេលអ្នកប្រើ​ប្រាស់​សេវាកម្មនេះ សូម​អាន​លក្ខខណ្ឌ​ឯកជនភាព​សម្រាប់​ EasyShare ជាលម្អិតសិន។

6 ការបដិសេធន៍ទទួលខុសត្រូវ

  6.1 សេវាកម្មនេះគឺសម្រាប់តែការប្រើប្រាស់ផ្ទាល់ខ្លួនរបស់អ្នកប៉ុណ្ណោះ ហើយ​អ្នកមិនត្រូវផ្ដល់ឲ្យទៅភាគីទីបីណាមួយឡើយ។ អ្នកយល់ និងយល់ព្រមថាអ្នកត្រូវទទួលខុសត្រូវទាំងស្រុងចំពោះ​លទ្ធផលនៃ​ការប្រើប្រាស់របស់អ្នក (នោះគឺជាការខុសច្បាប់ ឬរំលោភលើកិច្ចព្រម​ព្រៀង​​នេះ) លើសេវាកម្ម ការអនុវត្ត ឬមុខងារដែលបានផ្ដល់ដោយ %1$s។ អ្នកយល់ព្រមទទួលយកគ្រប់ហានិភ័យទាំងអស់នៃការប្រើប្រាស់សេវាកម្មនេះដោយអ្នក។

  6.2 ទោះបីជាមានអ្វីមួយផ្ទុយពីនេះក៏ដោយ សេវាកម្ម និងព័ត៌មាន ផលិត​ផល សូហ្វវែរ កម្មវិធី និងមាតិកាទាំងអស់ដែលទាក់ទងនឹងសេវាកម្មនេះ រួមមាន ប៉ុន្តែមិនកំណត់ត្រឹមតែកម្មវិធី ត្រូវបានផ្តល់ជូនតាមមូលដ្ឋាន "ដូចដើម" ដោយគ្មានការធានា ឬរ៉ាប់រងជាទម្រង់ ឬប្រភេទណាមួយ​ឡើយ។ %1$s ប្រកាសបដិសេធរាល់ការតំណាង ឬការធានាទាំងអស់ មិនថា​ដោយ​ជាក់លាក់ ដោយតុណ្ហីភាព ដែលត្រូវកំណត់ដោយច្បាប់ និងផ្សេងពីនេះ រួមមាន ប៉ុន្តែមិនកំណត់ត្រឹមតែការតំណាង និងការធានាសន្តិសុខ ស្ថិរ​ភាព ភាពត្រឹមត្រូវ ភាពមានគុណភាពសម្រាប់ជំនួញ ភាពសក្តិសម​សម្រាប់​គោលបំណងជាក់លាក់ និងការមិនបំពានលើភាពជាម្ចាស់កម្មសិទ្ធិ និងកម្មសិទ្ធិបញ្ញារហូតដល់កម្រិតអតិបរមាដែលច្បាប់អនុញ្ញាត។

  6.3 តាមរយៈនេះ %1$s សូមប្រកាសបដិសេធមិន​ទទួល​ខុស​ត្រូវ ហើយ​តាម​រយៈ​នេះ​អ្នកដក​បន្ទុក និងបើកសិទ្ធិឲ្យ %1$s ក្រុមហ៊ុន​បុត្រសម្ព័ន្ធ​របស់ខ្លួន និង​និយោជិត នាយក និង​មន្ត្រីរបស់ %1$s ឬ​ក្រុមហ៊ុនបុត្រ​សម្ព័ន្ធរបស់​ខ្លួន​ឲ្យរួចផុត​ពីការទទួល​ខុសត្រូវ​ទាំងអស់​ចំពោះ​ការ​ខូច​ខាត ឬការខាត​បង់​ដោយ​ផ្ទាល់ ដោយប្រយោល ដោយចៃដន្យ ជាពិ​សេស​ណា​មួយ ឬការ​ខូច​ខាត ឬខាតបង់ដទៃទៀត​ដែលអ្នក​បាន​ទទួល​រង​ដែលកើត​ចេញពី​ ឬទាក់​ទងនឹង​សេវាកម្ម ឬ​មាតិកា​ដែល​ទាក់ទង រហូតដល់កម្រិត​ជាអតិ​បរមា​ដែលច្បាប់​អនុញ្ញាត ​ដោយមិនអាចប្រែបាន ជាអចិន្ត្រៃយ៍ និ​ង​ដោយគ្មាន​លក្ខ​ខណ្ឌ​។​

  6.4 %1$s នឹងមិនរ៉ាប់រងចំពោះការខកខានក្នុងការផ្តល់សេវាកម្ម ឬបំពេញ​កាតព្វកិច្ចនៅក្នុងកិច្ចព្រមព្រៀងដោយសារ៖

    6.4.1 ប្រធានសក្តិ រួមមាន ប៉ុន្តែមិនកំណត់ត្រឹមតែការរញ្ជួយដី ទឹកជំនន់ ខ្យល់ព្យុះ រលកយក្ស​ស៊ូណាមិ ការឆ្លងរាត​ត្បាត​ជំងឺ សង្គ្រាម ការវាយ​ប្រហារ​ភេរវកម្ម កុប្បកម្ម កូដកម្ម និង​បទ​បញ្ជារបស់រដ្ឋាភិបាលប៉ុណ្ណោះឡើយ

    6.4.2 ការជួសជុល ការធ្វើបច្ចុប្បន្នភាពសូហ្វវែរ ឬការដំឡើងជំនាន់​ហាត​វែរ​ដែលត្រូវបានប្រតិបត្តិការដោយយើង ឬដោយភាគីទីបីតាមសំណើ​សុំ​របស់​យើង

    6.4.3 ការបង្អាក់ការបញ្ជូនទិន្នន័យដោយសារបញ្ហារបស់ប្រតិបត្តិករ​បណ្តាញ ឬបញ្ហាការតភ្ជាប់បណ្តាញរបស់អ្នកប្រើប្រាស់

    6.4.4 បញ្ហាណាមួយដោយសារសូហ្វវែរ ឬសេវាកម្មដែលត្រូវបានផ្តល់​ជូន​ដោយភាគីទីបី ឬអំពើរបស់ភាគីទីបី

    6.4.5 ស្ថានភាពផ្សេងទៀតដែល %1$s នឹងត្រូវផ្អាក ឬបញ្ឈប់សេវា​កម្ម​ដោយ​អនុលោមទៅតាមច្បាប់ និងបទបញ្ញត្តិ ឬហេតុផលមិនអាច​ប្រកែក​បានផ្សេងទៀត ដូចជាការកែតម្រូវអាជីវកម្មរបស់ %1$s។

7 ទំនាក់ទំនង

  ប្រសិនបើអ្នកមានបណ្ដឹង បណ្ដឹងសារទុក្ខ សំណួរ មតិយោបល់ ឬសំណូម​ពរ​ណាមួយ អ្នក​អាច​មើល​គេហទំព័រផ្លូវការរបស់ %1$s (https://www.%2$s.com) ដើម្បី​ទាក់​ទង %1$s តាមរយៈផ្នែកសេវាបម្រើ​អតិថិជនលើបណ្ដាញ ឬដាក់បញ្ជូនសំណួរ​របស់អ្នកតាមរយៈ​ [ជំនួយ និងមតិកែលម្អ] ឬទាក់ទងទៅ %1$s តាមរយៈ៖

  ទំនាក់ទំនង៖ Shailendra Chauhan

  អ៊ីមែល៖ grievance.officer@%2$s.com

  ទូរស័ព្ទ៖ %3$s

  ម៉ោងធ្វើការ៖ ចន្ទ-សុក្រ (9:30-18:00)

8 ប្រការផ្សេងទៀត

  8.1 កិច្ចព្រមព្រៀងនេះបង្កើតបានជាកិច្ចព្រមព្រៀងទាំងមូលរវាងអ្នក និង​ក្រុមហ៊ុន %1$s ជំនួសឱ្យកិច្ចព្រមព្រៀង​មុន​ទាំង​អស់រវាងអ្នក និង​ក្រុមហ៊ុន %1$s ទាក់ទងនឹង​កម្មវត្ថុ​នេះ។

  8.2 ប្រសិនបើបទប្បញ្ញតិណាមួយនៃកិច្ចព្រមព្រៀងនេះត្រូវ​បានចាត់ថា​គ្មាន​សុពលភាព ឬមិនអាចដាក់អនុវត្តបាន ផ្នែកផ្សេងទៀតនឹងនៅតែ​បន្ត​​មានប្រសិទ្ធភាព និងចូលជាធរមានពេញលេញដដែល។

  8.3 រាល់បទប្បញ្ញត្តិណាមួយនៃកិច្ចព្រមព្រៀងនេះដែលមិនអាច​ដាក់​អនុ​វត្ត​បាននឹងមិនបង្កើតបានជាការលះបង់សិទ្ធិដោយអ្នក ឬ %1$s ឡើយ។

  8.4 អាជ្ញាប័ណ្ណដែល %1$s ផ្តល់ជូនអ្នកនឹងត្រូវ​បានដាក់​កម្រិត​ត្រឹម​តែ​អាជ្ញាប័ណ្ណទាំងឡាយណាដែលត្រូវបានផ្តល់យ៉ាងជាក់ច្បាស់នៅទីនេះ។ %1$s សូមរក្សាសិទ្ធិគ្រប់យ៉ាងទៅលើអ្វីដែលមិនបានផ្តល់ជូន​អ្នក​យ៉ាង​ច្បាស់​លាស់។

  8.5 ប្រសិនបើអ្នករំលោភលើកិច្ចព្រមព្រៀងនេះ %1$s នឹងមាន​សិទ្ធិ​បញ្ចប់​កិច្ចព្រមព្រៀងនេះជាឯកតោភាគី ហើយបញ្ឈប់សេវាកម្ម​ដែល​ពាក់ព័ន្ធ​ដោយ​មិនទទួលខុសត្រូវលើការខូចខាតឡើយ។ ដើម្បីចៀសវាងការសង្ស័យ រាល់បទបញ្ញត្តិនៃកិច្ចព្រមព្រៀងនេះដែលត្រូវ​បានបង្ហាញ ឬបង្កើតឡើងក្នុងបំណងបន្តចូលជាធរមាននឹងនៅតែមាន​សុពលភាពបន្ទាប់ពីការបញ្ចប់កិច្ចព្រមព្រៀងនេះរហូតដល់ការផុតកំណត់នៃលក្ខខណ្ឌដែលបានព្រមព្រៀងគ្នា ឬការបញ្ចប់កិច្ចសន្យានេះឯង។

  8.6 %1$s សូមរក្សាសិទ្ធិកែប្រែកិច្ចព្រមព្រៀងនេះពីពេល​មួយ​ទៅ​ពេល​មួយ។ អ្នកអាចពិនិត្យមើលកំណែចុងក្រោយនៃកិច្ចព្រមព្រៀងនៅលើទំព័រពាក់ព័ន្ធ។ ការបន្តប្រើប្រាស់​សេវាកម្មនេះដោយអ្នកនឹង​ត្រូវបាន​ចាត់​ទុកថា​ជាការ​ព្រមទទួល​យក​របស់អ្នក​នូវ​កំណែដែល​បាន​កែ​ប្រែបែបនេះនៃកិច្ចព្រម​ព្រៀង​នេះ។​

  8.7 អ្នកយល់ព្រម​គោរពតាមច្បាប់ បញ្ញត្តិ ច្បាប់​ប្រចាំ​មូល​ដ្ឋាន​ និង​បទប្បបញ្ញត្តិដទៃទៀត​របស់អាជ្ញាធរមូលដ្ឋាន រដ្ឋ តំបន់ស្វយ័ត​ សហព័ន្ធ និងប្រទេសដែល​អ្នកស្ថិត​នៅ នៅក្នុងការប្រើប្រាស់​សេវាកម្មដោយអ្នក​។​

បានធ្វើបច្ចុប្បន្នភាពនៅខែមិថុនា ឆ្នាំ 2021